Jabuuroolu 23:5 - Mandinka Bible

⁵ I ye domori buuñaariŋo le parendi n ye, n jawoolu ñaatiliŋo la. I ye tulu seeralaa maa n kuŋo la. I ye n na mindaŋo fandi fo a ka boŋ.

Jabuuroolu 23:5 ပူးပေါင်းရင်းမြစ်များ

Yuuba 36:16

Ate le ye i bondi niitooroo kono, a ye i samba dulaa kekuuriŋo to, niifitii te daameŋ. Domori diimaalu tarata fatafatariŋ i la taabuloo kaŋ.

Jabuuroolu 104:15

Wayinoo* ka soto jee le, ka hadamadiŋo jusulandi, ka taa olifu* tuloo, ka a ñaadaa malamalandi, aniŋ mbuuroo, ka semboo dii a la.

Jabuuroolu 116:13

M be miŋ feŋ sadaa* le bo la ka Yaawe tentu a too la, a la n kiisoo kamma la.

Jabuuroolu 16:5

Nte la niiboroo ka bo ite Yaawe le bulu, aduŋ n suulafeŋo bee sumandiŋo be i bulu le. M baluuñaa be ite le bulu.

Jabuuroolu 22:26

Fentaŋolu be domoroo ke la le ì ye kaañaŋ. Moolu mennu ka Yaawe ñiniŋ, wolu le be a jayi la. Allamaa ali ye jusulaa fo abadaa.

Jabuuroolu 22:29

Duniyaa fankamaalu bee be juuraloo ke la le, ka baturoo ke. Moo-wo-moo be labaŋ na bankoo kono be sujudi la a ye le, wolu mennu te ì faŋ tundi noo la baluwo to.

Jabuuroolu 45:7

I ye tiliŋo kanu le, i ye kuruŋyaa koŋ. Wo le ye a tinna i la Alla ye i toloo seewoo kono ka tambi i ñoŋolu la.

Jabuuroolu 78:19

Ì ye Alla sooki le ka a fo ko, “Fo Alla si domoroo dii noo ntolu la keñewuloo kono baŋ?

Jabuuroolu 92:10

Bari i ye nte semboo warandi le komeŋ tuuraa. I ye tulu senuŋo* le boŋ n kaŋ ka n ke i taa ti.

Jabuuroolu 92:11

N ñaa ye n jawoolu la boyoo je le, ŋa wo konnantee jawoolu woosiikaŋo moyi le.

Yesaya 25:6

Yaawe Alihawaa Maariyo* be feetoo ke la bankoolu bee le ye konkoo kaŋ. A be ke la subu kendiŋ feetoo le ti, wayini* diimaa feetoo, subu kendiŋo niŋ yuwo, wayinoo niŋ a la timiyaa baa.

Amosi 6:6

Ali ka wayini* booli faalu miŋ, aniŋ ali ka i muu niŋ tulu foroo la, bari ali niyo buka toora Yusufa koomalankoolu la kasaaroo la.

Matiyu 6:17

Bari niŋ i sunta, tuloo maa i kuŋo la, aniŋ i ye i ñaadaa kuu.

Luka 7:46

I maŋ tuloo maa n kuŋo la, bari ate ye karabaanijiyo maa n siŋolu bala.

Yohana 16:22

Wo ñaa kiliŋo la, ali ye niikuyaa le soto saayiŋ, bari m be ali je la le kotenke. Wo to le ali niyo be faa la niŋ seewoo la, aduŋ moo te wo seewoo taa la ali bulu.

1 Korintinkoolu 10:16

Barakoo mindaŋo, ǹ ka Alla la barakoo daani meŋ na, fo a maŋ ke niyo le ti ǹ ye Kiristu yeloo to? Mbuuroo, ǹ ka meŋ kuntu, fo a maŋ ke niyo le ti ǹ ye Kiristu baloo to?

2 Korintinkoolu 1:21

Bari Alla le ka ntolu niŋ alitolu bambandi Kiristu kono. Ate le ye ntolu tomboŋ,

Efesusinkoolu 3:20

Tenturoo niŋ jayiroo be ate le ye, meŋ ka kuwolu bee ke noo hani ka tambi, ǹ ka a daani mennu la, waraŋ ǹ ka mennu miira. Tenturoo be ate le ye, meŋ ka ñinnu bee ke semboo la, meŋ be dookuwo la ntolu kono.

1 Yohana 2:20

Kiristu meŋ mu Senuŋ Baa ti, ye Nooroo dii ali la, wo kamma la ali bee ye tooñaa loŋ ne.

1 Yohana 2:27

Bari Nooroo, ali ye meŋ soto ka bo Alla bulu, a sabatita ali kono le. Wo kamma la, ali maŋ suula moo-wo-moo ye ali karandi, kaatu Alla la Nooroo ye ali karandi kuwolu bee le la. Ñiŋ karandiroo mu tooñaa le ti, a maŋ ke faniyaa ti. Baawo a ye ali karandi le, wo to ali sabati Kiristu kono.