Jabuuroolu 23:1 - Mandinka Bible

¹ Yaawe* le mu n kantalaa ti, feŋ te n dasa la.

Jabuuroolu 23:1 ပူးပေါင်းရင်းမြစ်များ

Filipinkoolu 4:19

Aduŋ n na Alla, fanka jamaa be meŋ bulu, a be ali la suuloolu bee topatoo la le, ko Kiristu Yeesu la semboo niŋ waroo be ñaameŋ.

Yohana 10:11

“Nte le mu kantarilaa betoo ti. Kantarilaa betoo ka a niyo laa a la saajiyolu ye le.

Yesaya 40:11

A ka a la moolu topatoo le ko kantarilaa ka koorewo kanta ñaameŋ. A ka saajiiriŋolu katandi a faŋo la le, ì ye tara a kara la. A ka saajii dimbaalu kenkeŋ kuuke le.

Yohana 10:14

Nte le mu kantarilaa betoo ti. Ŋa n na saajiyolu loŋ ne, aduŋ n na saajiyolu ye n loŋ ne,

Lankenemoo 7:17

kaatu Saajiiriŋo meŋ be mansasiiraŋo ñaatiliŋo la, ate le be ke la ì la kantarilaa ti. A be ì kenkeŋ na jii woyoolu le to, mennu ka baluwo dii, aduŋ Alla be ñaajiyo bee fita la ì ñaalu to le.”

Matiyu 6:33

Ali Alla la mansabaayaa ñini foloo, aniŋ a la tiliŋo, bituŋ ali si naa ñiŋ feŋolu bee fanaa soto.

1 Pita 2:25

Kaatu ali bee ye ali fansuŋ siloo taa le nuŋ ko saajii filiriŋolu, bari saayiŋ, ali muruta Kantarilaa kaŋ ne, ali niyolu tankandilaa.

1 Pita 5:4

Aduŋ niŋ Kantarilaa Kuntii Baa fintita naŋ, ali be kañeerinaafoo le soto la soorifeŋo ti, meŋ na kallankeeyaa nene te yeemaŋ na.

Jabuuroolu 84:11

Yaawe Alla ka munta n ye le ko tiloo, aniŋ tankaraŋ koteeroo*, ate le ka hiina aniŋ ka horomoo dii. Moolu mennu baluuñaa maŋ sootaari soto, a buka wolu bali kuu kende la.

Roomankoolu 8:32

Alla meŋ maŋ hani a faŋo Dinkewo kaari, bari a ye a dii ntolu bee la kuwo kamma, fo a te paree la ka a niŋ feŋolu bee fanaa dii ntolu la?

Hiburunkoolu 13:20

Alla meŋ ka kayiroo dii, ŋa a daani ali ye le. Ate le ye m̀ Maarii Yeesu wulindi ka bo saayaa kono ka baluu kotenke. Ñiŋ Yeesu naata ke Kantarilaa Baa le ti ntolu ye, a la saajiyolu, ka bo niŋ a faŋo yeloo la, meŋ mu yeloo ti a la badaa-badaa kambeŋo ye.

Mika 5:4

A be ke la a la moolu ye le ko saajii kantalaa, Yaawe la mansabaayaa semboo kaŋ, Yaawe, a la Alla too la waroo kaŋ. Ì la baluwo be tara la tankoo le kono, aduŋ a too la waroo be taa le fo duniyaa daŋo to.

Jabuuroolu 78:52

Wo koolaa a naata a la moolu saajiimaalu tambindi, a ye ì kenkeŋ keñewuloo kono la.

Yeremiya 31:10

“Alitolu bankoolu bee, ali i lamoyi nte Yaawe la kumoo la, aduŋ ali si a kankulaa dulaalu mennu be jamfajaŋo to ko, nte meŋ ye Banisirayila janjandi, m be a kafu la ñoo ma le, ŋa a kanta ko kantarilaa ka a la beeyaŋolu kanta ñaameŋ.

Jabuuroolu 79:13

Wo le to ntolu, i la saajii koorewo, ǹ si i tentu fo abadaa. Ǹ si tu i jayi la ka taa fo jamaani naalaalu la.

Mika 5:2

Alitolu Efurata*-Betilehemunkoolu, Yaawe* ye ñiŋ ne fo ko, “Ali la saatewo keta saateeriŋo ti ñaa-wo-ñaa Yahuuda, bari Banisirayila maralilaa be bo la alitolu le kono, a be maraloo ke la niŋ nte Yaawe tooyaa le la. A foloota naŋ waati jaŋ ne la, kabiriŋ.”

Jabuuroolu 34:11

N diŋ kusaŋolu, ali naa, ali ye i lamoyi n na, ŋa ali karandi Yaawe ñaasilaŋo la.

Esekiyeli 34:14

M be ì balundi la daañini dulaa betoo le to. Banisirayila konkoolu kaŋ santo le be ke la ì la daañini dulaa ti. Jee to ì be tara la laariŋ kayiroo le kono, ka baluu Banisirayila konkoolu kaŋ, mennu mu daañini dulaa kendiŋolu ti.