Jabuuroolu 22:31 - Mandinka Bible

³¹ ka a fo moolu ye mennu maŋ wuluu foloo, a ye a la moolu tankandi ñaameŋ. Ate le ye wo ke.

Jabuuroolu 22:31 ပူးပေါင်းရင်းမြစ်များ

Jabuuroolu 78:6

ñiŋ kamma la jamaani naalaa dindiŋolu, mennu be naa wuluu la, si ì karaŋ, itolu fanaa ye muru ì ye ì diŋolu karandi ì la.

Jabuuroolu 86:9

Maariyo, ite le ye duniyaa moolu bee daa. Ì be naa le, ì ye sujudi i ye, aduŋ ì be i too horoma la le,

Roomankoolu 1:17

Ñiŋ kibaari betoo ye Alla la tiliŋo yitandi le, moolu be tiliŋ noo la ate ñaatiliŋo la ñaameŋ. Wo tiliŋo ka naa ka bo niŋ lannoo le la, kabiriŋ foloodulaa to ka naa fo labandulaa to, ko a be safeeriŋ ñaameŋ: “Moo tilindiŋo be baluu la ka bo niŋ a la lannoo le la.”

Jabuuroolu 102:18

Nte le ye a fo ko, “Ali ñiŋ kuwo safee jamaani naalaalu ye, ñiŋ kamma la moolu mennu maŋ wuluu foloo, si Yaawe jayi ko:

2 Korintinkoolu 5:21

Kiristu meŋ nene maŋ junuboo ke, Alla ye ǹ na junuboo dunoo laa ate le kaŋ, fo ǹ si Alla la tiliŋo soto Kiristu kono.

Yesaya 60:4

Yaawe ko: “I dandaŋolu juubee, i ye a je, meŋ be ke kaŋ. Ì bee benta le ka naa i yaa. I dinkewolu be bo la naŋ dulaa jaŋ, ì ye i dimmusoolu fanaa sika naŋ ne.

Yesaya 54:1

Yaawe* ko: “Yerusalaamu, suukuwo laa. I ka muluŋ ne ko musoo meŋ nene maŋ diŋo soto. Suukuulaa dati, i ye sari seewoo kamma la. Ite musu kiideeriŋo, meŋ maŋ tiŋo la koleyaa loŋ, i be diŋ jamaa soto la le, ka tambi musoo la, kewo be meŋ bulu.

Jabuuroolu 40:9

Yaawe, i la moolu la beŋ baa to, ŋa kibaari diimaa fo le, i ye ǹ tankandi ñaameŋ. I ye a loŋ ne ko, n te n daa kaari la a foo la.

Yesaya 53:10

Bari a keta Yaawe la lafoo le ti, ka a mantoora niŋ dimiŋo la. A la baluwo keta sadaa* ti junuboolu ye ñaa-wo-ñaa, a koomalankoolu be siyaa la le. A be sii jaŋo soto la le, aduŋ a be Yaawe la feeroo taamandi kuu la le.