Jabuuroolu 22:27 - Mandinka Bible

²⁷ Duniyaa fannaa bee la, moolu hakiloo be bula la Yaawe la le, aduŋ ì be muru la a kaŋ ne. Bankoolu la siyolu bee le be sujudi la a ñaatiliŋo la.

Jabuuroolu 22:27 ပူးပေါင်းရင်းမြစ်များ

Jabuuroolu 86:9

Maariyo, ite le ye duniyaa moolu bee daa. Ì be naa le, ì ye sujudi i ye, aduŋ ì be i too horoma la le,

Yesaya 45:22

“Alitolu mennu be duniyaa tonkoŋ naanoo to, ali naa muruŋ n kaŋ fo ali si tanka. Kaatu nte le mu Alla ti, aduŋ doo te jee.

Jabuuroolu 2:8

Niŋ i ye n kaniŋ, m be bankoolu dii la i la le ka ke ì la keetaafeŋo ti. Duniyaa fannaa bee si ke i taa ti.

Yesaya 49:6

Saayiŋ, Yaawe ko n ye le ko, “I mu n na dookuulaa le ti, i be kuu le ke la, meŋ tambita ka Yaakuba lasiloolu seyindi ì ñaama, ka Banisirayila moo toomaalu murundi naŋ. M be i ke la bantala bankoolu* fanaa ye maloo le ti, i ye n na kiisoo samba duniyaa tonkoŋ naanoo bee to.”

Lankenemoo 15:4

Maariyo, jumaa le te sila la ite la, jumaa le te i too horoma la? Ite le dammaa seneyaata. Nasiyoŋolu bee be naa ite batu la le, kaatu i la baara kuu tilindiŋolu lankenemata le.”

Jabuuroolu 96:7

Duniyaa siyolu, ali Yaawe jayi a la waroo kaŋ. Ali a tentu a la semboo kaŋ.

Jabuuroolu 72:11

Mansoolu bee si ñoyi a koto, aduŋ duniyaa bankoolu bee si dookuwo ke a ye.

Jabuuroolu 117:1

Duniyaa siyolu bee, ali Yaawe* jayi, moolu bee, ali a tentu.

Jabuuroolu 102:22

tuma meŋ na banku moolu aniŋ mansamarali bankoolu be kafu la ñoo ma ka Yaawe batu.

Jabuuroolu 72:8

Allamaa a la maraloo ye bo fankaasi ka taa fankaasi, aniŋ ka bo Yufurati Boloŋo to ka taa fo duniyaa daŋo to.

1 Tesalonikankoolu 1:9

kaatu ì faŋolu le ye kuwolu fo, ali ye m̀ buuñaa ñaameŋ biriŋ ǹ naata ali yaa. Ì ye a fo le, ali ye ali koo dii jalaŋolu la ñaameŋ ka naa Alla kaŋ, ka a batu, meŋ mu Alla baluuriŋo niŋ Alla tooñaa ti.

Roomankoolu 16:26

Bari saayiŋ, badaa-badaa Alla la yaamaroo kaŋ, wo kulloo yitandita le, aduŋ a futata nasiyoŋolu bee le ma ka bo niŋ annabiyomoolu la safeeroolu la, fo ì bee si laa, aniŋ ì si a la yaamaroolu muta.

Kiilaalu 20:21

Ŋa dandalaaroo ke koyirinke Yahuudoolu niŋ Jirisinkoolu la le ko, ì ye tuubi ka bula Alla nooma, aniŋ ì ye laa ǹ na Maarii Yeesu Kiristu* la.

Kiilaalu 14:15

“Kewolu, muŋ ne ye a tinna ali be ñiŋ ke la? Ntolu mu hadamadiŋolu doroŋ ne ti ko ali be ñaameŋ. M̀ be kibaari betoo le kawandi kaŋ ali ye fo ali si ali koo dii ñiŋ kuu kenseŋolu la ka soŋ Alla baluuriŋo ma. Ate le ye saŋo niŋ bankoo daa, fankaasoo aniŋ a konokono feŋolu bee.

Yesaya 49:12

A juubee, n na moolu be bo la naŋ dulaa jamfariŋolu le to, doolu be bo la naŋ maraa karoo le la, doolu ye bo naŋ tilijii, doolu ye bo fo Asuwani maafaŋo la.”

Jabuuroolu 98:3

A ye a la laahidoo muta Banisirayila moolu ye le, a la kanu bambaloo niŋ foroyaa tilindiŋo kaŋ. Duniyaa moolu bee ye ntolu la Alla la tankandirilaŋ semboo je le.

4 Musa 10:32

Niŋ i be ǹ kono, Yaawe ye feŋ kende-wo-feŋ kende dii ǹ na, ǹ niŋ i be a talaa la le.”

1 Taarika 16:10

Ali kidimandiroo ke a too senuŋo la. Moolu mennu ka Yaawe ñini, ì ye jusulaa.

Jabuuroolu 69:33

Yaawe ka i lamoyi moolu la le mennu be sotobaliyaa daa to, aduŋ a buka a ñaa kaasi a la moolu la, mennu be mutoo kono.

Yesaya 29:19

Yaawe be moo toorariŋolu kontaanindi la le kotenke, aduŋ fentaŋolu be seewoo la Banisirayila la Senuŋ Baa la kuwo to le.