Jabuuroolu 22:2 - Mandinka Bible

² Hee n na Alla, n woosiita i ye le tiloo ñaa la, bari i maŋ n jaabi, aniŋ suutoo la, bari m maŋ dahaa soto.

Jabuuroolu 22:2 ပူးပေါင်းရင်းမြစ်များ

Jabuuroolu 42:3

N ka kumboo le suutoo niŋ tiloo, aduŋ n ñaajiyo doroŋ ne mu n na domoroo ti. N jawoolu ka tu la a fo la n ye le ko, “I la Alla lee?”

Jabuuroolu 80:4

Hee Yaawe* Alihawaa Maariyo*, janniŋ muŋ tuma le i be tara la kamfaariŋ, ka balaŋ i la moolu la duwaa jaabi la?

Jabuuroolu 88:1

Hee Yaawe* Alla, n na kiisandirilaa, n ka kumboo i ye le suutoo niŋ tiloo.

Niikuyaa Suukuwolu 3:44

Ŋà a je le i dibita m̀ ma karoo bee la ko tawaloo, fo ǹ na duwaa te futa noo la i ma.

Niikuyaa Suukuwolu 3:8

Cari-cari, ñaajiyo ka boŋ n ye le ka maakoyiroo kumboo, bari a ka balaŋ n na duwaa muta la le.

Matiyu 26:44

A bota ì yaa kotenke ka duwaa ke siiñaa sabanjaŋo la ko a duwaata folooke nuŋ ñaameŋ.

Luka 18:7

Wo to, fo Alla te a la tomboŋ moolu la hakoo dii la ì la baŋ, mennu ka kumboo a ma suutoo niŋ tiloo? Fo a be mee la le baŋ, janniŋ a be ì maakoyi la?

Luka 6:12

Wo luŋolu kono, Yeesu taata duwaa la konkoo santo. Suutoo bee la, a tarata duwaa la.

1 Tesalonikankoolu 3:10

Ǹ ka duwaa baake le, suutoo niŋ tiloo la, fo ǹ si ali je noo kotenke ñaa niŋ ñaa la, aniŋ ka kuwolu timmandi, ali dasata mennu la lannoo to.

2 Timoti 1:3

Niŋ m be duwaa la waati-wo-waati, n hakiloo ka tu bula la i la kuwo la le suuto tili, aduŋ n ka Alla tentu i la kuwo la le, n ka meŋ batu sondome senuŋo kono ko m mumuñolu ye a ke nuŋ ñaameŋ.