Jabuuroolu 22:14 - Mandinka Bible

¹⁴ M fankoo suusuuta le komeŋ niŋ jiyo bonta bankoo to. N kuloolu bee bota ì cokoolu daa le, n jusoo keta n kono komeŋ niŋ kaañoo yelunta.

Jabuuroolu 22:14 ပူးပေါင်းရင်းမြစ်များ

Daniyeli 5:6

Mansa ñaadaa yelemata wo loodulaa to. A silata baake, fo a suufoolu korita, a kumbaliŋolu ka busa ñoo la.

Jabuuroolu 31:10

Kaatu n na baluwo keta niitooroo le ti, aniŋ sikisikoo doroŋ, m baluu saŋolu bee la. N na ŋayiboo ye a tinna le n semboo banta. N kuloolu faŋo korita le.

Yuuba 23:16

Alla Tallaa le ye n jikilateyindi, a ye n kijoo farandi.

Yosuwa 7:5

Bituŋ Ayi saatee moolu ye ì kelendi, ì ye moo taŋ saba niŋ wooro ñoŋ faa ì kono. Ì ye ì bayi le ka bo saatewo ñiŋ daa to ka taa fo Sebarimu. Ì ye ì faa le, biriŋ ì be bori kaŋ konko jindaalu la. Wo naata Banisirayilankoolu kijoo bee teyi, ì sumayaata ko jii sumaa.

Yohana 12:27

“Saayiŋ, n niyo toorata le, n si muŋ ne fo? Fo n si a fo ko, ‘M Faamaa, n tankandi ñiŋ waatoo ma’? Hanii! Ñiŋ daliiloo le ye a tinna, n naata.

Nahumu 2:10

Ninewe teyita, a kenseŋyaata, a kasaarata. A moolu kijoo teyita, fo ì kumbaliŋolu ka busa ñoo la. Ì semboo bee taata, ì niyo kuyaata fo ì ñaadaa yelemata.

Jabuuroolu 68:2

Ko foñoo ka siisiyo tindi taariŋ ñaameŋ, Allamaa a ye ì bayi wo ñaama. Ko dimbaa maloo ka kaañoo yeluŋ ñaameŋ, Allamaa moo kuruŋolu ye kasaara Alla ñaatiliŋo la wo ñaama.

Jabuuroolu 22:17

N kuloolu bee faramansata le fo m faŋo si ì konti noo. N jawoolu ka n juubee le, ka jutunnayaa tiliŋ n na.

Yuuba 30:16

Saayiŋ n siyo maŋ jamfa, tili-wo-tili, a bee niŋ koleyaa jawoo.

Luka 22:44

A duwaata kendeke niitooroo kono, aduŋ a taroo mulunta yele dotiŋ-dotiŋolu le la, mennu tondita bankoo to.

Matiyu 26:38

A ko ì ye ko, “N niyo sunuta le, fo m be naa faa la. Ali tu jaŋ, ali ye tara ali ñaa la m fee.”

Yuuba 16:10

Moolu ka naa ñoo bendi n kamma, ka ì daalu yele ka kuma fo m ma, ì ye n tamoo fadi ka n ñaawali.

Jabuuroolu 35:21

Ì ye ì daalu yele le ka wuuri n kamma ko, “Je! Je! Ntolu faŋolu ñaa le ye i je a la.”

Niikuyaa Suukuwolu 3:46

“Oyi! Oyi! Ǹ jawoolu bee ka wo le fo m̀ ma, ka ì daa loo ǹ kaŋ.