Jabuuroolu 22:12 - Mandinka Bible

¹² Jawoolu jamaa le ye m murubeŋ, komeŋ ninsituuraalu, ì ye m murubeŋ karoo bee le la, ì ka munta le ko Basani tundoo ninsituuraa saŋaroolu.

Jabuuroolu 22:12 ပူးပေါင်းရင်းမြစ်များ

Jabuuroolu 68:30

Ñiŋ bantala banku* jawoolu jarabi. Ñiŋ daafeŋolu mennu be sabatiriŋ seyiŋolu kono, ñiŋ tuuraalu mennu be ninsiriŋ sembentaŋolu kono. Mennu ka ǹ kaniŋ naamoo la, ì dori duuma. Banku moolu janjandi mennu ka kontaani keloo la.

Kiilaalu 4:27

“Tooñaa, ñiŋ kumoo timmata jaŋ ne. Herodi niŋ Pontiyus Payileti, Alla lombaloolu niŋ Banisirayilankoolu, ì benta ñiŋ saatewo le kono ka balaŋ i la dookuulaa senuŋo Yeesu ma, i ye meŋ toloo.

Matiyu 27:1

Kabiriŋ fanoo keta, piriisi* ñaatonkoolu bee niŋ alifaalu ye feeroo siti ka Yeesu faa.

Esekiyeli 39:18

Ì si kelejawaroo suboo domo, ì ye duniyaa maramansoolu yeloo miŋ. Wolu bee be faa la le ko saakotoŋolu, saakotondiŋolu, baalu, ninsituuraalu, mennu bee be ke la ko Basani batundoolu.

Yeremiya 50:11

Yaawe ko: “Babiloninkoolu, n na keetaabankoo ñapinkannaalu, ali niŋ seewoo niŋ kontaanoo mu ñaa-wo-ñaa, ali ka sawuŋ-sawuŋ ko ninsiriŋo ka ke ñaamoo kaŋ ñaameŋ, ali ka kuma ko suukewolu,

Yesaya 34:7

Ì niŋ daakoyoolu le be faa la ñoo la, tuuraariŋolu niŋ tuuraa baalu. Ì la bankoo be faa la yeloo le la, dulaa bee ye tara faariŋ keŋo la.

Jabuuroolu 7:3

Hee Yaawe, n na Alla, niŋ a ye a tara ŋa kuu le ke, niŋ a ye a tara ŋa kuu tilimbaloo le taamandi,

Jabuuroolu 35:22

Hee Yaawe, ite ye ñiŋ je le. Kana tu deyiriŋ. Hee Maariyo, kana jamfa n na.

Jabuuroolu 38:22

M Maariyo, n na Kiisandirilaa, naa n kaŋ tariyaake, ka m maakoyi.

Jabuuroolu 40:14

Allamaa moolu ye malu mennu be a kata kaŋ ka m faa. Allamaa ì muumewo ye piwu. Mennu be lafiriŋ n na mantooroo la, Allamaa ì ye muru ì koo la, ì ye malu.

Jabuuroolu 69:18

Kata n na, i ye m bondi, i ye m firiŋ n jawoolu bulu.

Jabuuroolu 70:2

Allamaa moolu ye malu mennu be a kata kaŋ ka m faa. Allamaa ì ye piwu. Mennu be lafiriŋ n na mantooroo la, Allamaa ì ye muru ì koo la, ì ye malu.