Jabuuroolu 22:11 - Mandinka Bible

¹¹ Kana jamfa n na, kaatu kataa sutiyaata n na le, aduŋ moo te jee meŋ si maakoyiroo dii.

Jabuuroolu 22:11 ပူးပေါင်းရင်းမြစ်များ

Jabuuroolu 71:12

Hee Alla, kana jamfa n na. N na Alla, naa tariyaake ka m maakoyi.

Jabuuroolu 72:12

Mansa ka fentaŋolu deemaa le niŋ ì ye a kumandi, ka taa fuwaaroolu aniŋ maakoyilaa te mennu la.

Jabuuroolu 10:1

Hee Yaawe*, muŋ ne ye a tinna i jamfata ntolu la? Muŋ ne ye a tinna i maabota m̀ ma, waatoo meŋ m̀ be mantooroo kono?

Hiburunkoolu 5:7

Biriŋ Yeesu be sabatiriŋ duniyaa kono jaŋ ko hadamadiŋo, a ye duwaalu niŋ daaniroolu ke ka bo niŋ kumboo baa niŋ ñaajiyolu la Alla ye, meŋ si a tankandi noo saayaa ma. Aduŋ Alla ye a moyi a la a ñaasilaŋo le kamma la.

Yohana 16:32

Waatoo be naa la le, aduŋ a naata le fokabaŋ, ali be janjaŋ na le, moo-wo-moo be taa a la suwo kono. Ali be n dammaa le bula la, bari hani wo, nte dammaa te tu la, kaatu m Faamaa be m fee le.

Jabuuroolu 38:21

Hee Yaawe, kana m bula. N na Alla, kana jamfa n na.

Jabuuroolu 35:22

Hee Yaawe, ite ye ñiŋ je le. Kana tu deyiriŋ. Hee Maariyo, kana jamfa n na.

Yesaya 63:5

Ŋa juubeeroo ke le, bari m maŋ moo je meŋ si m maakoyi. N jaakalita le ka a je ko moo maŋ m maakoyi, m faŋo semboo le ye nooroo saabu m ma, n na kamfaa ye m bambandi.

Jabuuroolu 69:18

Kata n na, i ye m bondi, i ye m firiŋ n jawoolu bulu.

2 Mansoolu 14:26

Kaatu Yaawe ye a je le ko, Banisirayilankoolu la mantooroo jawuyaata baake le, biriŋ foro fo joŋ. Moo maŋ soto ka Banisirayilankoolu maakoyi.

5 Musa 32:36

Yaawe be a la moolu la kuwo kiitii la le, a be balafaa soto la a la dookuulaalu ye le, niŋ a ye a je, ì semboo banta, moo maŋ tu ì kono, biriŋ a foro fo a joŋ.

Matiyu 26:56

Bari ñiŋ keta le fo annabiyomoolu la kumoolu si timma.” Wo to le saayiboolu bee ye a bula, ì borita.

Matiyu 26:74

Wo to le a ye i kali kali jawu baa la, a ko, “Nte maŋ ñiŋ kewo loŋ faŋ!” Wo loo niŋ baroo teema, duntuŋo kookoleeta!

Matiyu 26:72

Bari Pita balanta kotenke. A ko, “Ŋa n kali, m maŋ ñiŋ kewo loŋ!”

Jabuuroolu 71:6

N jikita ite le la ka bo n wuluu waatoo la. Ka bo tuma meŋ m be m baa wuluuñaŋo kono, i ye n hati le. M be tu la i jayi la le.