Jabuuroolu 21:9 - Mandinka Bible

⁹ Niŋ i naata, i be ì jani la le ko fuuri dimbaa ka janiroo ke ñaameŋ. Yaawe be ì kunuŋ na a la kamfaa baa kono le, dimbaa ye ì domo.

Jabuuroolu 21:9 ပူးပေါင်းရင်းမြစ်များ

Malaki 4:1

“Luŋo be naa kaŋ ne meŋ be wulee la ko fuuri dimbaa. Luŋo meŋ, faŋ wara moolu niŋ kuu kuruŋ kelaalu be jani la ko ñaama jaaroo. Niŋ ñiŋ luŋo naata, ì bee le be jani la, ì ye baŋ fereŋ. Nte Yaawe Alihawaa Maariyo* le ye a fo.

Jabuuroolu 50:3

Ǹ na Alla ka naa le, aduŋ a niŋ deyoo nte. Dimbaa saŋaroo le ka mala a ñaatiliŋo la, aduŋ turubaadoo le ka fee a dandaŋo bee la.

Jabuuroolu 18:8

Siisiyo bota naŋ a nuŋo kono, dimbaa bota naŋ a daa kono, dimbaa keñemboo bota a bala.

2 Tesalonikankoolu 1:8

Ì be naa la dimbaa mala baa kataŋo kono ka moolu joo yankankatoo la, mennu maŋ Alla loŋ, aniŋ ì maŋ m̀ Maarii Yeesu la kibaari betoo muta.

Niikuyaa Suukuwolu 2:2

Balafaabaliyaa niŋ kasaaroo, Maariyo ye wo le laa Yaakuba siidulaalu bee kaŋ. A ye Dimmusuriŋ* Yahuuda boyinkaŋ, a ye a saatee tatariŋolu bee le teyi, a la kamfaa baa kaŋ. A ye a la mansayaa boyindi duuma, aniŋ a maralilaalu, ì niŋ maloo tuta.

Nahumu 1:6

A la kamfaa si kuŋ noo jumaa le to? Jumaa le si i loo noo a la jusuboo ye? A la kamfaa ka yelema naŋ ne ko dimbaa. Bere baalu ka juru ate ñaato le.

Yesaya 26:11

Hee Yaawe, i buloo be teekariŋ ne, ka ì mantoora, bari ì maŋ a je. Allamaa ì ye i hamoo je, i ye meŋ soto i la moolu ye, ì ye malu. Allamaa dimbaa meŋ be pareeriŋ i jawoolu kamma, ye ì jani.

Jabuuroolu 2:12

Ali sujudi Alla la mansariŋo ma, niŋ wo nte, ali si kasaara ali la siloo kaŋ, kaatu a la kamfaa ka wuli le kataba kiliŋ. Seewoo be moolu le ye mennu ka tankoo ñini a bulu.

Jabuuroolu 2:5

Bituŋ a ye ì jalayi a la kamfaa kaŋ, a ye ì kijafarandi a la jusukandoo kaŋ.

5 Musa 32:22

N na kamfaa be mala la naŋ ne ko dimbaa, ka duniyaa jani fo fureeduu to, ka duniyaa niŋ a fiifeŋolu bee domo, ka taa wo la fo konkoolu fondamaŋolu to.

Lankenemoo 20:14

Wo to le saayaa aniŋ a taradulaa fayita dimbaa daloo kono. Ñiŋ dimbaa daloo le mu saayaa fulanjaŋo ti.

Lankenemoo 19:15

Hawusari* daa diimaa fintita naŋ a daa kono, a be duniyaa nasiyoŋolu sepu la meŋ na. A be ì mara la niŋ needokoo le la, aduŋ a be ì dori la wo yiridiŋ bitidulaa kono le, meŋ mu Alla Mansa Tallaa la kamfaa jawu baa ti.

1 Tesalonikankoolu 2:16

Ì ye ntolu bali le ka diyaamu moolu ye, mennu maŋ ke Yahuudoolu ti, fo wolu kana kiisoo soto. Ì ka ñiŋ kuwolu le ke, waati-wo-waati ì la junuboolu ka tu kafu la le. Bari labaŋo la, Alla la kamfaa baa naata ì kaŋ ne.

Matiyu 25:46

Bituŋ wolu si naa taa badaa-badaa yankankatoo kono, bari moo tilindiŋolu si naa taa badaa-badaa baluwo kono.”

Matiyu 25:41

“Bituŋ a si naa a fo a maraalankoolu fanaa ye ko, ‘Ali bo nte bala, alitolu mennu dankata. Ali duŋ badaa-badaa dimbaa kono, meŋ parendita Ibiliisa niŋ a la dookuulaalu ye.

Matiyu 22:7

Wo kamma la mansakewo kamfaata baake. A ye a la kelediŋolu kii ka wo moofaalaalu bee faa, aniŋ ka ì la saatewo jani.

Matiyu 13:50

aduŋ ì be ì fayi la fuuri dimbaa wuleŋo le kono, kumboo niŋ nimisoo be daameŋ.”

Matiyu 13:42

Malaayikoolu be ì fayi la fuuri dimbaa wuleŋo le kono, kumboo niŋ nimisoo be daameŋ.

Matiyu 3:12

A la feerilaŋo be a buloo kono le, aduŋ a be kesoolu niŋ fuufulewolu bo la ñoo to le. Wo to le a be a la kesoolu ke la buntuŋo kono, bari a be fuufulewolu jani la dimbaa le la, meŋ buka faa noo.”

Matiyu 3:10

Saayiŋ teeraŋo be laariŋ yirisuloolu to le fokabaŋ. Wo kamma la yiri-wo-yiri meŋ maŋ diŋ betoo diŋ, wo be kuntu la le, aduŋ a be fayi la dimbaa kono le ka jani.

Jabuuroolu 106:17

Bituŋ bankoo yeleta Datani fee, a ye a kunuŋ, a saarenta Abiramu fee, aniŋ a la kafoo moolu.

Yuuba 6:3

A be koyiriŋ ne ko, ate le be kuliyaa la bankumunkoo ti. Wo le ye a tinna n daakumoolu maŋ diyaa.

1 Musa 19:28

A ye duuma juubee Sodomu niŋ Komora maafaŋo la, aniŋ wulumbaŋo to maafaŋo bee la, a ye siisiyo je budubudu la bankoo bee kaŋ, komeŋ siisiyo ka bo faroo la ñaameŋ.

Esira 6:12

Mansa-wo-mansa waraŋ moo-wo-moo ye a kata ka ñiŋ kaŋo soosoo, aniŋ ka Alla Batudulaa Buŋo tiñaa, Allamaa Alla ye a maarii boyindi. Kaatu Alla le ye Yerusalaamu tomboŋ, a ye a too ke jee, ka ke a batudulaa ti. Nte Dariyusi le ye ñiŋ kaŋo dii, aduŋ a ñanta le ka muta kendeke.

Jabuuroolu 18:38

Ŋa ì faa le, aduŋ ì te wuli noo la. Ì boyita le, n siŋolu loota ì kaŋ.