Jabuuroolu 21:12 - Mandinka Bible

¹² I be ì ñaato kuntu la i la kalabeñoolu le la, ka ì murundi ì koo la.

Jabuuroolu 21:12 ပူးပေါင်းရင်းမြစ်များ

Jabuuroolu 18:40

I ye a ke, n jawoolu ye ì koo dii n na ì niŋ boroo, aduŋ ŋa n jawoolu kasaara le.

Jabuuroolu 64:7

Bari Alla be ì buŋ na a la kalabeñoo la le, ì ye barama tarinke.

Niikuyaa Suukuwolu 3:12

Dannoo ka feŋo sumaŋ ñaameŋ, a ye a la kaloo saba n kamma wo le ñaama.

Jabuuroolu 56:9

Niŋ ŋa i kumandi tumoo meŋ na, n jawoolu be muru la ì koo la le. Ŋa ñiŋ loŋ ne ko, Alla be m fee le.

Jabuuroolu 44:10

I ye a tinna le ǹ ka bori ǹ jawoolu la, aduŋ mennu ye ǹ koŋ ka ǹ na feŋolu ke ñapinkantaa le ti.

Jabuuroolu 9:3

N jawoolu ka muru ì koo la le. Ì ka taki le ì ye kasaara i ñaatiliŋo la.

Yuuba 7:20

Niŋ ŋa junube kuwo ke, ŋa muŋ kuu le ke i la, ite hadamadiŋolu Kantalaa? Muŋ ne ye a tinna, i hameta n kamma? Fo n na kuwo keta i ye kunto dunoo le ti baŋ?

Jabuuroolu 18:14

A ye beñoolu fayi, jawoolu janjanta. Ŋalasi baa kuntuta ì ñaato, a ye ì borindi.

Yesaya 8:10

Ali feeroo siti ñoo kaŋ, bari a be ke la kenseŋo le ti. Ali si diyaamu, bari a kumoo te loo la, kaatu Alla be ntolu fee le.