Jabuuroolu 21:1 - Mandinka Bible

¹ Hee Yaawe*, mansa jusulaata le, kaatu i ye a bambandi le, a seewoota baake le i la maakoyiroo kaŋ, ka a jawoolu noo.

Jabuuroolu 21:1 ပူးပေါင်းရင်းမြစ်များ

Hiburunkoolu 12:2

Ali ŋà ǹ ñaa loo Yeesu kaŋ, ǹ na lannoo be looriŋ ate le kaŋ, ka bo a foloodulaa ka taa a labandulaa to. A ye yiribantambiloo tooroo muña le, a maŋ a la malu kuwo juubee, kaatu a ñaa be looriŋ seewoo le kaŋ, meŋ parendita a ye, aduŋ a naata sii Alla la mansasiiraŋo bulubaa karoo la.

Matiyu 2:2

Ì ko, “Yahuudoolu la mansakewo meŋ wuluuta, a be mintoo le? Ŋà a la looloo je tiliboo la le, aduŋ ǹ naata le ka a batu.”

Jabuuroolu 62:7

N na tankoo niŋ n na horomoo be looriŋ Alla le kaŋ. N na semberaŋ bere bambandiŋo le mu, aniŋ n tuukuraŋo.

Jabuuroolu 28:7

Yaawe le mu n semboo ti, aniŋ n na tankaraŋ koteeroo*, n jikita a la niŋ n sondomoo bee le la. A ye m maakoyi le, aduŋ n jusulaata baake le. Wo kamma la, m be a tentu la niŋ suukuwolu le la.

Jabuuroolu 2:6

A ko, “Ŋa n na mansa londi Siyoni* le, n na konko senuŋo* kaŋ.”

Jabuuroolu 99:4

Mansa baa, i ye tooñaa kanu le. I ye i la tiliŋo londi moolu teema le, i ye tiliŋo niŋ tooñaa le ke Banisirayila kono.

Jabuuroolu 95:1

Ali naa ŋà suukuwo laa Yaawe* ye, ali ŋà suukuu a ye ǹ kaŋo bee la, seewoo kamma la. Yaawe le mu konko bere baa ti, ǹ na tankadulaa, meŋ ka ǹ tankandi.

Jabuuroolu 71:17

Hee Alla, i ye n karandi le biriŋ n dindiŋ, aduŋ ka naa fo saayiŋ na, n ka i la kaawakuwolu seyinkaŋ ne.

Jabuuroolu 63:11

Bari mansa be seewoo la Alla la kuwo la le. Moolu mennu ye laahidoo taa Alla too la, ì be a tentu la le. Bari Alla be faniyaa folaalu deyindi la le.

Jabuuroolu 20:9

Hee Yaawe ǹ na duwaa jaabi niŋ ŋà i kumandi, i ye mansa maakoyi ka nooroo ke.