Jabuuroolu 20:7 - Mandinka Bible

⁷ Doolu ka tara jikiriŋ keleraŋ sareetoolu* le la, doolu, suwoolu, bari ntolu ka tara jikiriŋ Yaawe, m̀ Maarii Alla too le la.

Jabuuroolu 20:7 ပူးပေါင်းရင်းမြစ်များ

Yeremiya 17:5

Yaawe ye ñiŋ ne fo ko: “Dankoo be moo le ye meŋ ka a jikoo loo hadamadiŋo kaŋ, ka taamaayaa balajaata kenseŋo la, ka jenke nte Yaawe la karoo la.

Yesaya 31:1

Kooroo be boyi la moolu kaŋ ne, mennu ka taa maakoyiroo ñini Misira. Ì ka tara jikiriŋ wolu la suwoolu le la, aniŋ ka taamaayaa wolu la keleraŋ sareeti* jurumoolu la, aniŋ ì la suuborindilaa sembemaa baalu. Bari ì buka ì ñaa loo Banisirayila la Senuŋ Baa kaŋ, waraŋ ka maakoyiroo ñini Yaawe* bulu.

Kuma Kotoomaalu 21:31

Suwoo ka tara pareeriŋ ne kele luŋo, bari kañeeroo be Yaawe le bulu.

2 Taarika 32:8

Hadamadiŋ semboo le be ate fee, bari ntolu, Yaawe le be m̀ fee, ǹ na Alla ka m̀ maakoyi ka keloo ke ǹ ye.” Yahuuda mansa Hesekiya la kumakaŋo ye moolu bambandi.

2 Taarika 14:11

Asa woosiita Yaawe, a la Alla ye ko, “Yaawe, moo te keriŋ ko ite, meŋ si sembentaŋolu tanka sembemaalu ma. Hee Yaawe ǹ na Alla, m̀ maakoyi, kaatu ntolu be tuukuriŋ ite le la, aduŋ m̀ fintita naŋ i too le la ka ñiŋ kelediŋ kafu baa kele. Hee Yaawe, ite le mu ǹ na Alla ti, kana soŋ moo ye i loo i fee.”

Jabuuroolu 45:17

M be a tinna le i too ye bo jamaani naalaalu bee kono, aduŋ moolu be i jayi la le fo abadaa.

Yesaya 30:16

Ali ko, “Hanii, m̀ be sele la suwoolu le kaŋ ŋà bori.” Haa, ali si bori! Ali ko, “M̀ be bori la le,” aduŋ, “M̀ be sele la suu tariŋolu le kaŋ.” Ali bayindilaalu fanaa be tariyaa la wo le ñaama.

2 Taarika 13:16

Banisirayilankoolu borita Yahuuda ñaato, bari Alla ye ì duŋ Yahuuda bulu.

1 Samuweli 13:5

Filisitinkoolu benta, ka Banisirayilankoolu kelendi. Ì ye ì kelendi niŋ keleraŋ sareeti* wuli saba le la, keleraŋ sareeti borindilaalu, mennu taata fo moo wuli wooro, aniŋ sinna kelediŋolu, mennu be siyaariŋ ko bankumunkoo. Ì bee taata beŋ Mikimasi le Beti-Aweni tilibo karoo la.

2 Samuweli 10:18

Bari ì borita Banisirayila kelediŋolu ñaato le, aduŋ Dawuda ye ì la sareeti borindilaalu moo keme woorowula le faa aniŋ ì la suuborindilaalu wuli taŋ naani. A ye ì la kelediŋ kuntiyo Sobahi fanaa barama, a faata jee.

2 Samuweli 8:4

Dawuda ye a la sareeti wuli kiliŋ ne muta, sareeti borindilaa wuli woorowula, aniŋ sinna kelediŋ wuli muwaŋ. A ye suu keme le tu jee, a ye toolu bee tonkoliŋ fasoolu kuntu.

1 Samuweli 2:10

Moolu mennu ye Yaawe soosoo, wolu be kasaara la le. A be sari la ì kaŋ ne ko saŋ feteŋo ka bo saŋo kono ñaameŋ. Yaawe be duniyaa bee kiitindi la le. A be semboo dii la a la mansa la le. A be a la tomboŋ moo la dawuloo wulindi la le.

Yuuba 39:11

Fo i jikoo si tara looriŋ noo a semboo kaŋ baŋ? Fo a si dookuwo ke noo i ye baŋ?

Jabuuroolu 28:8

Yaawe le mu a la moolu semboo ti, aduŋ a mu tuukuraŋo niŋ tankadulaa le ti a la tomboŋ moo ye.