Jabuuroolu 20:5 - Mandinka Bible

⁵ Wo to le m̀ be wuuri la seewoo kono, i la nooroo kaŋ, ka ǹ na bandeeroolu wulindi n na Alla tooyaa la. Allamaa Yaawe ye kuwolu bee ke i ye, i ye a daani mennu la.

Jabuuroolu 20:5 ပူးပေါင်းရင်းမြစ်များ

2 Musa 17:15

Musa ye sadaabodulaa* loo, aduŋ a ye a kumandi ko, “Yaawe le mu n na bandeeroo ti.”

Jabuuroolu 60:4

I ye bandeeroo le wulindi moolu ye, mennu ye i kuliyaa, ñiŋ kamma ì si tanka jawoolu la kalabeñoo ma. S

1 Samuweli 1:17

Eli ye a jaabi ko, “Taa kayira kono. Allamaa Banisirayila la Alla ye i lafinna kuwo ke i ye.”

Yesaya 61:10

Yaawe la kuwo seewoo tambita n kunna le, n niyo laata n na Alla la karoo la le. Kaatu a ye kiisoo dendikamaa le duŋ n na, a ye tiliŋo warambamaa duŋ n na, ko maañootiyo ka i paree ñaameŋ, aniŋ ko maañoo ka a faŋo ñiiñandi a la ñaroolu la ñaameŋ.

Yesaya 25:9

Wo luŋo la, ñiŋ ne be fo la, “A fele, ñiŋ ne mu ǹ na Alla ti, ǹ jikita a la le, aduŋ a ye ǹ tankandi. Ñiŋ ne mu Yaawe ti, ǹ jikita meŋ na. Ali ŋà seewoo, ka jusulaa a la kiisandiroo la.”

Luka 1:47

n niyo seewoota Alla la kuwo to, n na Kiisandirilaa.

Jabuuroolu 118:15

Ali seewoo niŋ maakaŋo moyi kuma la Alla la moolu la daakaalu to, kaatu ì ye nooroo ke keloo to le, ì ko: “Yaawe semboo warata le, aduŋ ate le ka nooroo ke.

Jabuuroolu 35:9

Wo le to m be jusulaa la Yaawe la kuwo la, ka seewoo a la n tankandoo kaŋ.

Jabuuroolu 13:5

Nte ye n jikoo loo i la kanu bambaloo le kaŋ. M be jusulaa la le, kaatu i be n kiisa la le.

Jabuuroolu 9:14

ñiŋ kamma la n si loo saatee ñiimaa Siyoni dundaŋ daalu* to, ka kuwolu seyinkaŋ moolu ye, n ka i tentu mennu la, ka seewoo, kaatu i ye n kiisa le.

Habakuki 3:18

bari hani wo ñaa-wo-ñaa, nte be seewoo la Yaawe* la kuwo la le, m be seewoo la Alla la kuwo la le, n Kiisalaa.

Mika 4:5

Bankoolu bee ka taama niŋ ì fansuŋ batufeŋolu la siloolu le la, bari ntolu be taama la Yaawe la siloolu le la, ǹ na Alla, fo abadaa.

Jabuuroolu 19:4

Hani wo, ì la kankulaaroo ka janjaŋ duniyaa bee kono le, aduŋ ì la kumakaŋolu ka futa duniyaa daŋolu bee le to. Alla ye buŋo le ke tiloo ye saŋ fatoolu kono.

Yesaya 11:10

Wo luŋo la, maralilaa meŋ be bo la Yese bala ko yirisuloo, be loo la moolu ye bandeeriyaa le daa to. Bankoolu bee be tara la ate le kooma, aduŋ a sabatidulaa be faa la niŋ neemoo le la.

Jabuuroolu 21:1

Hee Yaawe*, mansa jusulaata le, kaatu i ye a bambandi le, a seewoota baake le i la maakoyiroo kaŋ, ka a jawoolu noo.

1 Samuweli 17:45

Bari Dawuda ko Koliyati ye ko, “Ite ka naa n kaŋ niŋ tamboo, sooroo aniŋ hawusaroo le la. Bari nte ka naa i kaŋ niŋ Yaawe Alihawaa Maariyo* too le la, meŋ mu Banisirayila la kelediŋ kafoolu la Alla ti, i ye meŋ hadaañi.

Jabuuroolu 21:3

I ye neemafeŋ kendoolu le naati a kaŋ. Ite le ye saniforo naafoo ke a kuŋo to ka a toloo.