Jabuuroolu 20:4 - Mandinka Bible

⁴ Allamaa a ye i jusulaa kuwolu ke i ye, ka i la natoolu bee timmandi.

Jabuuroolu 20:4 ပူးပေါင်းရင်းမြစ်များ

Jabuuroolu 145:19

A ka moolu bee la suuloo timmandi le, mennu ye a kuliyaa. A ka ì la woosiyolu moyi le, a ye ì tankandi.

Jabuuroolu 37:4

Seewoo Yaawe la kuwo la, aduŋ hame kuwolu mennu be i sondomoo to, a be ì dii la i la le.

Matiyu 21:22

Aduŋ ali ye feŋ-wo-feŋ daani duwaa kono, ali be a soto la le, niŋ ali ye lannoo soto.”

Jabuuroolu 21:2

I ye a hame kuwolu dii a la le, mennu be a sondomoo to. I maŋ a bali kuwolu la a ye mennu ñininkaa. S

Yohana 16:23

Wo luŋo la, ali te nte ñininkaa la feŋ na. Tooñaa-tooñaa, m be a fo la ali ye, niŋ ali ye m Faamaa daani feŋ-wo-feŋ na nte too la, a be a dii la ali la le.

Kuma Kotoomaalu 11:23

Moo tilindiŋo ye meŋ ŋaniya, a labaŋo ka ke kuu kendoo le ti, bari moo kuruŋo hame kuwo, wo labaŋo ka naa ke kamfaa kuwo le ti.

Yohana 11:42

Ŋa a loŋ ne ko, ite ka m moyi le waati-wo-waati, bari ŋa ñiŋ fo moolu le la kuwo kamma, mennu be looriŋ jaŋ, fo ì si laa ko, ite le ye n kii.”

Kiitindirilaalu 13:23

Bari a la musoo ko a ye le ko, “Niŋ Yaawe lafita ka m̀ faa, a te ǹ na jani sadaa niŋ ǹ na siimaŋ sadaa muta la ǹ ye. A te ñiŋ kuwolu bee yitandi la ǹ na, aniŋ ka ñiŋ kuma siifaa fo ǹ ye.”

1 Samuweli 26:19

M maarii mansa, i lamoyi nte i la dookuulaa be naa meŋ fo la. Niŋ a ye a tara, Yaawe le ye i wulindi n kamma, a si ke, a ye sadaa* muta le. Bari niŋ moolu le ye a ke, Allamaa Yaawe la dankoo ye jii ì kaŋ, kaatu ì ye m fondi n niyo la le Yaawe la keetaafeŋo to, aduŋ ì ko, ‘Taa, i ye taa alla koteŋolu batu.’

2 Samuweli 24:23

Hee mansa, nte Arawuna ye ñinnu bee le dii i la.” Arawuna ko a ye fanaa ko, “Allamaa Yaawe, i la Alla, ye soŋ i ma.”

2 Taarika 9:12

Mansa Sulemani ye feŋo bee dii Seba musumansoo la, a lafita meŋ bee la, meŋ faŋo tambita ate ye meŋ samba naŋ a ye. Bituŋ a niŋ a la moolu muruta ì la bankoo kaŋ.