Jabuuroolu 20:2 - Mandinka Bible

² Allamaa a ye maakoyiroo dii i la ka bo a Batudulaa Senuŋo to, a ye deemaaroo dii i la ka bo Siyoni* Konkoo to.

Jabuuroolu 20:2 ပူးပေါင်းရင်းမြစ်များ

1 Mansoolu 6:16

A ye kuntuntewo ke buŋo ñiŋ konoo daŋo to. A ye a dadaa niŋ sedari babara faataalu le la, ka bo teroo to ka taa biloo bala, ka jee ke konoto senuŋo ti Alla Batudulaa Buŋo kono. Wo to le mu Dulaa Senuŋ Baa* ti meŋ konoo kaañanta simfaañaa taŋ saba fee.

Yesaya 14:32

Muŋ jaabiri le be dii la kiilaalu la, mennu bota Filisitini bankoo kaŋ? M̀ be a fo la le ko, “Yaawe le ye Siyoni* londi fo a bambanta, aduŋ a la moo toorariŋolu be tankoo soto la jee le.”

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

Jabuuroolu 73:17

fo kabiriŋ n taata i Batudulaa Senuŋo kono, bituŋ n naata a fahaamu moo kuruŋolu labaŋo be ke la ñaameŋ.

Jabuuroolu 3:4

Ŋa n kaŋo sikandi le ka woosii Yaawe ye, aduŋ a ye n jaabi le ka bo a la konko senuŋo* to. S

2 Samuweli 6:17

Ì ye Yaawe la Kambeŋ Kunewo samba naŋ, ì ye a londi tiriliisoo* koto, Dawuda ye meŋ loo a ye. Bituŋ a ye jani sadaalu niŋ kayira sabatindiraŋ sadaalu bondi Yaawe ñaatiliŋo la.

2 Samuweli 5:7

Bari hani wo ñaa-wo-ñaa Dawuda ye ì la Siyoni* Tatoo taa. Bituŋ jee naata ke Dawuda la Saatewo* ti.

Jabuuroolu 54:3

Luntaŋolu le wulita n kamma. Fitina moolu le be a kata kaŋ ka m faa, mennu daa te Alla la kuu to. S

Kuma Kotoomaalu 18:10

Yaawe* too mu tata bambandiŋo le ti, moo tilindiŋolu ka bori jee le, aduŋ ì ka tanka le.