Jabuuroolu 2:12 - Mandinka Bible

¹² Ali sujudi Alla la mansariŋo ma, niŋ wo nte, ali si kasaara ali la siloo kaŋ, kaatu a la kamfaa ka wuli le kataba kiliŋ. Seewoo be moolu le ye mennu ka tankoo ñini a bulu.

Jabuuroolu 2:12 ပူးပေါင်းရင်းမြစ်များ

Jabuuroolu 40:4

Seewoo be moo le ye meŋ jikita Yaawe la, meŋ buka jiki faŋ wara moolu la, waraŋ ka kafu moolu ma mennu ye feŋ kenseŋolu muta Alla ti.

Yohana 5:23

fo moolu bee si Dinkewo horoma ko ì ye a Faamaa horoma ñaameŋ. Aduŋ moo meŋ maŋ Dinkewo horoma, wo maŋ a Faamaa le horoma, meŋ ye a kii.

Jabuuroolu 84:12

Yaawe Alihawaa Maariyo, barakoo be moo le ye, meŋ dankeneyaata i la.

Jabuuroolu 34:8

Moo-wo-moo si a juubee a faŋ ye Yaawe beteyaata ñaameŋ. Seewoo be moo le ye meŋ ka i tuuku a la.

Yeremiya 17:7

“Bari barakoo be moo le ye meŋ ye a jikoo loo nte Yaawe kaŋ, meŋ jikiraŋo mu nte Yaawe ti.

Yesaya 30:18

Hani wo, Yaawe be hameriŋ ne ka hiina ali ma, a pareeta le ka balafaa yitandi ali la, kaatu Yaawe mu Alla le ti meŋ tilinta. Seewoo be moolu le ye mennu ka ì jikoo loo a kaŋ.

Kuma Kotoomaalu 16:20

Moo-wo-moo sonta yaamarimutoo la, a be ñaatotaa soto la le, aduŋ neemoo be moo le ye meŋ laata Yaawe la.

1 Pita 2:6

Kaatu a be safeeriŋ Kitaabu Senuŋo kono le ko: “A juubee, ŋa beroo le laa Siyoni* Konkoo kaŋ, tonkonna bere buuñaariŋo, ŋa meŋ tomboŋ. Moo meŋ laata ate la, wo te bula la maloo kono.”

Efesusinkoolu 1:12

Ntolu mennu foloo ye ǹ jikoo loo Kiristu kaŋ, si a jayi a la semboo niŋ waroo kaŋ.

1 Mansoolu 19:18

Bari wo ñaa-wo-ñaa m be moo wuli woorowula tu la Banisirayila kono baluuriŋ ne, moolu mennu maŋ sujudi Baali* jalaŋo ye waraŋ ka a sumbu.”

Roomankoolu 9:33

ko a be safeeriŋ ñaameŋ: “A juubee, ŋa beroo le laa Siyoni* Konkoo kaŋ, moolu ka taki meŋ na, bere baa meŋ be ke la ì la boyoo sababoo ti. Bari moo meŋ laata ate la, wo te bula la malu kuwo kono.”

Jabuuroolu 2:5

Bituŋ a ye ì jalayi a la kamfaa kaŋ, a ye ì kijafarandi a la jusukandoo kaŋ.

Jabuuroolu 1:6

Kaatu Yaawe ka moo tilindiŋolu la siloo kanta le, bari moo kuruŋolu la siloo be kasaara la le.

1 Samuweli 10:1

Bituŋ Samuweli ye tulukaboo sika, a ye tuloo boŋ Sawulu kuŋo to, a ye a sumbu. A ko, “Saayiŋ Yaawe* ye ite le tomboŋ, ka i ke a la moolu Banisirayilankoolu la maralilaa ti.

Hoseya 13:2

Ì tententa junuboo la wo le ñaama hani saayiŋ. Ì ka jalaŋolu tunkaŋ ì faŋolu ye, kodiforo jalaŋolu, ì la ñaameŋo bee la. Bulukalaŋ dookuulaalu le ye ì bee dadaa. Ì ka a fo ko, “Ali sadaa* bo ñinnu ye.” Moolu ka ninsiriŋ jalaŋolu sumbu.

Jabuuroolu 2:7

Mansa ko, “M be a fo la le Yaawe ye kaŋo meŋ dii, a ko n ye le ko: ‘I mu n dinkewo le ti. Bii luŋo la nte faŋo keta i faamaa le ti.

Roomankoolu 10:11

A be safeeriŋ ñiŋ kuwo to le ko: “Moo-wo-moo meŋ laata ate la, wo te malu la muk.”

Yohana 14:6

Yeesu ko a ye ko, “Nte le mu siloo ti, tooñaa aniŋ baluwo. Moo-wo-moo te naa noo la m Faamaa yaa, fo niŋ a naata ka bo niŋ nte la.

1 Pita 1:21

Ka bo niŋ ate le la, ali dankeneyaata Alla la, meŋ ye a wulindi ka bo saayaa kono, aduŋ a ye kallankeeyaa dii a la. Wo kamma la, ali la lannoo niŋ jikoo si tu Alla kaŋ.

1 Musa 41:40

M be ite le marandi la n na mansabuŋo ma, aduŋ n na moolu bee be taama la i la kaŋo le la. N na mansayaa doroŋ ne be n semboo warandi la i ti.”

Jabuuroolu 31:20

I ka ì sutura le, ì ye tara i fee suturoo kono, ka tanka moolu la kiriikaraa ma. I ka ì muta kuu i sabatidulaa le to, ka ì tankandi neŋ fatiŋolu ma.

Jabuuroolu 34:9

Alitolu mennu mu Yaawe la moo senuŋolu ti, ali a kuliyaa, kaatu mennu ye a kuliyaa, feŋ buka ì dasa.

Jabuuroolu 109:20

Allamaa wo ye ke n tuumilaalu la joo ti ka bo Yaawe bulu, wolu mennu ka kuma jawoolu fo m ma.

Sefaniya 2:2

janniŋ ì be ali bayi la, ko foñoo ka fuufulewo tindi ñaameŋ, janniŋ Yaawe* be jusubo la ali kamma, janniŋ Yaawe la kamfaa luŋo be futa la ali ma.