Jabuuroolu 19:9 - Mandinka Bible

⁹ Yaawe ñaasilaŋo mu kuu kendoo le ti, a be tu la le fo abadaa. Yaawe la luwaalu mu tooñaa le ti, aduŋ ì bee le ka tiliŋ.

Jabuuroolu 19:9 ပူးပေါင်းရင်းမြစ်များ

1 Samuweli 12:24

Bari ali ñanta sila la Yaawe la le, ali ye a batu tiliŋo kono niŋ ali sondomoo bee la. Ali kana ñina, a ye kaawakuwolu mennu ke ali ye.

Jabuuroolu 119:142

I la tiliŋo be tu la a ñaama le fo abadaa, aduŋ i la karandiroo mu tooñaa le ti.

Jabuuroolu 119:1

Barakoo be moolu le ye, mennu taaraŋ siloo maŋ sootaaroo soto, mennu ye ì la baluwo loo Yaawe* la yaamaroo kaŋ.

Lankenemoo 15:3

Ì be Annabilayi Musa la suukuwo laa kaŋ, meŋ mu Alla la dookuulaa ti, aniŋ Saajiiriŋo la suukuwo. Ì be a fo kaŋ ko: “Ite Maariyo, Alla Mansa Tallaa, i la baara kuwolu warabaata le, ì kaawakuuyaata. Ite mu Mansa le ti nasiyoŋolu bee kunto, i la siloolu mu tiliŋo niŋ tooñaa le ti.

Jabuuroolu 115:13

A be neema la moolu ma le mennu ye a kuliyaa, moondiŋ, moo baa.

Jabuuroolu 111:10

Yaawe ñaasilaŋo le mu londoo kuŋo ti. Wo ka fahaamuroo dii moolu bee le la, mennu ka a la yaamaroolu muta. A be tu la jayi la le fo abadaa.

1 Mansoolu 18:12

Niŋ nte taata ka wo fo a ye, janniŋ n ka naa, niŋ Alla la Nooroo ye i samba dulaa doo to duŋ? Niŋ Ahabu naata, aduŋ a maŋ i je, wo to a be nte faa la le. Ñiŋ loŋ ko, kabiriŋ nte dindiŋ, nte keta moo le ti meŋ sonta Alla ma.

5 Musa 4:8

Aduŋ banku baa te keriŋ meŋ na luwaalu tilinta ko ñiŋ luwaalu niŋ yaamaroolu m be mennu dii kaŋ ali la bii.

1 Musa 42:18

Tili sabanjaŋo, a ko ì ye ko, “Nte mu Alla ñaasilannaa le ti. Ali be baluwo soto la le, niŋ ali ye ñiŋ ke:

Lankenemoo 19:2

A la kiitiyolu mu tooñaa niŋ tiliŋo le ti, a ye wo cakamusu baa kiitindi le, meŋ ye duniyaa kosondi a la laañooyaa tuluŋo la. A ye Alla la dookuulaalu mennu yeloo boŋ, Alla ye wolu la juloo joo a ñaama le.”

Lankenemoo 16:7

Bituŋ ŋa sadaajanidulaa* kumakaŋo moyi ko: “Tooñaa, ite Maariyo, Alla Mansa Taalaa, i la kiitiyolu mu tiliŋo niŋ tooñaa le ti!”

Roomankoolu 2:2

Ŋà a kalamuta le ko, Alla la kiitiyo ka naa tilindinke moolu le kaŋ, mennu ka wo kuu siifaalu ke.

Yesaya 26:8

Hee Maariyo, i la kuwo ye ǹ loo le, ka bula i la yaamaroo nooma. Ŋà ite le too horoma, ǹ sondomoo be hameriŋ ne ka i too jayi.

Jabuuroolu 119:106

N kalita le ka laahidi bambandiŋo taa, ka i la luwaa timmariŋolu muta.

Jabuuroolu 119:7

Niŋ ŋa i la luwaa tilindiŋolu karaŋ, m be i tentu la niŋ sondome senuŋo le la.

Jabuuroolu 36:6

I la kiitiyolu be looriŋ tooñaa le kaŋ, ì bambanta le ko konkoolu, ì diinonta ko fankaasoo. Hee Yaawe, hadamadiŋolu bee la tankoo be ite le bulu, aniŋ daafeŋolu.

Jabuuroolu 36:1

Junuboo le ka kuma moo kuruŋo ye, a sondomoo kono, Alla ñaasilaŋo te a la fereŋ.

Jabuuroolu 10:5

A ka firiŋo soto a baluuñaa bee le to, a la jeroo buka futa Alla la kiitiyo ma. A ka a jawoolu bee ñaawali le.

Nehemiya 5:15

Nte siŋo be kumandaŋolu mennu bee kaŋ, wolu ye duni kuliŋo le laa moolu kaŋ. Ì ka moolu kaniŋ domoroo niŋ wayinoo la le, aduŋ ì ka kodiforo kuntu taŋ naani le taa ì bulu luŋ-wo-luŋ. Ì la maakoyirilaalu fanaa ye dunoo le laa moolu kaŋ. Bari Alla ñaasilaŋo le ye a tinna nte maŋ maa wo ñaama.

2 Musa 21:1

Yaawe* ye ñiŋ luwaalu le dii Musa la Banisirayilankoolu ye:

1 Musa 22:12

A ko a ye ko, “I buloo kana maa ñiŋ kambaanendiŋo la, waraŋ ka feŋ ke a la. Saayiŋ ŋa a loŋ ne ko, i ye Alla ñaasilaŋo soto le, baawo i maŋ balaŋ ka i dinkee kiliŋo ke sadaa ti n ye.”

Roomankoolu 11:22

Alla la beteyaa niŋ a la saŋaroo juubee. A saŋarata moolu le kamma, mennu boyita, bari a be beteyaa la ite fee le, niŋ i tententa a la beteyaa kono. Niŋ wo nte, ite fanaa be kuntu la le.

Kiilaalu 10:22

Ì ye a jaabi ko, “Kooneliyus mu Rooma kelediŋ kuntiyo le ti. Kee tilindiŋo le mu, meŋ ye Alla ñaasilaŋo soto. A ye seedeyaa betoo le soto Yahuudoolu bee kono. Malaayika senuŋo le ye a yaamari ka i kumandi, fo i si naa a la buŋo kono, a ye i lamoyi i la kumoolu la.”

Kuma Kotoomaalu 8:13

Yaawe* ñaasilaŋo le mu kuu jawu koŋo ti. Ŋa faŋ waroo niŋ horomantaŋyaa koŋ ne, aduŋ jawuyaa niŋ faniyaa foo mu n tanoo le ti.

Jabuuroolu 147:19

A ye a la kumoolu dii Yaakuba koomoo la le, meŋ mu Banisirayila ti, a ye a la yaamaroolu niŋ luwaalu dii ì la le.

Jabuuroolu 119:75

Hee Yaawe, ŋa a loŋ ne ko, i la kiitiiteyoolu tilinta le, i ye n jarabi le, kaatu i tilinta le.

Jabuuroolu 119:62

Suutoo teema, n ka wuli le ka i jayi, i la kiitiiteyi tilindiŋolu kamma la.

Jabuuroolu 119:39

Maloo bo n kaŋ n silata meŋ na, bayiri i la kiitiiteyoolu tilinta le.

Jabuuroolu 12:7

Hee Yaawe, ite le be ǹ kanta la, i ye ǹ tanka ñiŋ jamaanoo moo jawoolu ma waatoo bee la.

Jabuuroolu 119:111

I la luwaalu le mu n na sotofeŋ kummaalu ti fo abadaa. Ì ka n jusulandi le.

Yesaya 45:19

M maŋ diyaamu kulloo kono, waraŋ ka dukuduku diboo kono. M maŋ a fo Yaakuba koomalankoolu ye ko, ‘Ali n ñini kensenke.’ Nte le mu Yaawe ti, n ka tooñaa le fo, aduŋ meŋ tilinta, n ka wo le yitandi.”