Jabuuroolu 19:11 - Mandinka Bible

¹¹ Wo koolaa, ì ka nte i la dookuulaa kalamutandi le, aniŋ fanaa joori baa le be ì mutoo to.

Jabuuroolu 19:11 ပူးပေါင်းရင်းမြစ်များ

2 Taarika 19:10

Niŋ ali mooñoo kiitindirilaalu mennu be sabatiriŋ saatee doolu to, ye kiitii kuwolu landi ali ñaa koto ka ì maakoyi, mennu be dendiŋ moofaa la, fitinoo, Alla la yaamaroo, aniŋ a la luwaa koteŋolu, ali si ì dandalaa ì kana boyidaa soto. I si a je Yaawe la kamfaa te jii la ali niŋ ì kaŋ. Niŋ ali ye ì dandalaa, ali te boyidaa soto la.

Jabuuroolu 119:103

I la kumoolu diyaata nte ye le famfaŋ. Itolu le diyaata ka tambi liyo la.

Jabuuroolu 119:11

Ŋa i la kumoolu muta n sondomoo kono le, ñiŋ kamma la n kana junube kuu ke i la.

Jabuuroolu 119:72

Ite ye yaamaroo meŋ dii, wo le fisiyaata nte ye duniyaa sanoo niŋ kodiforoo ti. Yod

Kuma Kotoomaalu 11:18

Moo kuruŋo buka a halaaloo soto, bari meŋ ka kuu betoo baara, a la joo ka ke kuu kendoo le ti.

Kuma Kotoomaalu 24:14

A loŋ fanaa ko, ñaameŋo be i fee wo le ñaama, niŋ i ye a soto, ñaato siniŋ jiki be tara la i ye le, aduŋ i la jikoo te bo la i koto.

Kuma Kotoomaalu 29:18

Niŋ Alla la yitandiroo te daameŋ, meŋ diyaata moo ye, a ka wo le ke, bari neemoo be moo le ye, meŋ ka luwaa muta.

Esekiyeli 3:3

A naata a fo n ye ko, “Hadamadiŋo, ñiŋ kitaaboo taa, i ye a domo fo i konoo ye faa a la tep.” Wo to le, ŋa a taa ŋa a domo. Bituŋ a diyaata n daa ko liyo.

Matiyu 3:7

Bari kabiriŋ a ye Farisewolu* niŋ Sadusewolu* jamaalu je, ì ka naa batisewo* la, a ko ì ye ko, “Alitolu daŋari koorewo, jumaa le ye ali dandalaa ka bori kamfaa ma, meŋ ka naa?

Matiyu 6:18

Kana i faŋ yitandi moolu la ko, i be sundiŋ ne. Ì Faamaa meŋ be suturoo kono, wo doroŋ si a loŋ. Aduŋ i Faamaa meŋ ka jeroo ke suturoo kono, a be i joo la le.

Matiyu 6:4

I si a je, i la sadaaboo si tara suturoo kono. Aduŋ i Faamaa meŋ ka jeroo ke suturoo kono, be i joo la le.

Matiyu 6:6

Bari niŋ ite be duwaa la, taa i la konoto buŋo kono, i ye bundaa tawuŋ aniŋ i ye i Faamaa daani, meŋ be suturoo kono. Aduŋ i Faamaa meŋ ka jeroo ke suturoo kono, be ite joo la le.

Kiilaalu 20:31

Wo kamma la, ali koroosiroo ke! Ali hakiloo si bula n na kuwo la ko, n nene maŋ n dahaa ali dandalaa la, suutoo niŋ tiloo, n niŋ ñaajiyo, fo sanji saba.

1 Korintinkoolu 4:14

Kumoolu m be mennu safee kaŋ ali ye, ì daliiloo maŋ ke ka ali malundi, bari n lafita le ka ali dandalaa ko n na dindiŋolu, ŋa mennu kanu.

1 Tesalonikankoolu 5:14

Baadiŋolu, m̀ be ali wakiilindi la, ali si moolu dandalaa, mennu maŋ lafi dookuwo la. Ali jooteentuŋolu wakiilindi, ali ye moolu maakoyi mennu lamfuta, aduŋ ali si ke muñalaa ti moolu bee ye.

Hiburunkoolu 11:26

A laata le ko, malundiroo Alimasiihu* la kuwo kamma la, wo le nafaa warata ka tambi Misira bankoo la naafuloolu la, kaatu a ñaa be joo le kaŋ, meŋ ka naa.

Yankuba 1:25

Bari a maŋ tara wo ñaama moo fee, meŋ ñaa be looriŋ luwaa timmariŋo kaŋ, baawo a ka luwaa le koroosi, meŋ ka firiŋo dii, aduŋ a ka wakiili a mutoo la le. Barakoo be wo maarii le ye, a la kebaaroolu bee to, baawo a maŋ ke kumoo moyilaa doroŋ ti, meŋ hakiloo buka tu a kaŋ, bari a mu a baaralaa le ti.

2 Yohana 1:8

Ali ali faŋ koroosi, fo ali kana foo feŋolu la, ntolu ye mennu dookuu, bari fo ali si baraaji timmariŋo soto.

Lankenemoo 14:13

Bituŋ ŋa kumakaŋo moyi naŋ saŋo santo, meŋ ye n yaamari ko, “Ñiŋ safee: ‘Barakoo be moolu le ye, mennu be faa la Maariyo noomalankayaa kono ka bo saayiŋ na.’ Noora Kuliŋo ye a tooñaayandi le ko, ‘Barakoo be itolu ye le, kaatu ì be dahaa soto la ì la kata kuu koleŋolu to le, aduŋ ì la kebaaroolu be ì nooma la le.’ ”