Jabuuroolu 18:47 - Mandinka Bible

⁴⁷ Ite le mu Alla ti, meŋ ka i joo n jawoolu to. I ka bankoolu ke n na maroo to.

Jabuuroolu 18:47 ပူးပေါင်းရင်းမြစ်များ

Jabuuroolu 47:3

A ye banku koteŋolu duŋ m̀ bulu ka ì mara, a ye m̀ mansayandi moolu kunna.

Roomankoolu 12:19

N kanuntewolu, ali kana ì joo ali faŋ ye, bari wo noo to, ali Alla seyi jee, kaatu a be safeeriŋ ne ko: “Maariyo ko, ‘Julujoo mu nte le taa ti, m be n joo la le.’ ”

Nahumu 1:2

Yaawe* Alla kiiliyaata le, aduŋ a ka juloo joo le, a ka juloo joo, aduŋ a ka kamfaa le famfaŋ, a ka juloo joo balannaalu to le, aduŋ a jusoo ka kandi a jawoolu kamma le.

Jabuuroolu 144:2

Ate le mu m maakoyilaa kendoo ti, aniŋ n na tatoo. A mu n ye tata bambandiŋo le ti, aniŋ n na kiisandirilaa. A mu n ye tankaraŋ koteeroo* le ti, n ka bambu ate le kooma. Ate le ka banku koteŋ moolu noo ka ì ke n na maroo to.

2 Samuweli 22:48

Ite le mu Alla ti, meŋ ka i joo n jawoolu to. I ka bankoolu ke n na maroo to.

5 Musa 32:35

Julujoo mu Yaawe le taa ti, a be ì joo la a ñaama le, ì be boyi la a waatoo la le, a te mee la, mantooroo be jii la ì kaŋ, maasiiboo be ì moonee la le.

Jabuuroolu 95:1

Ali naa ŋà suukuwo laa Yaawe* ye, ali ŋà suukuu a ye ǹ kaŋo bee la, seewoo kamma la. Yaawe le mu konko bere baa ti, ǹ na tankadulaa, meŋ ka ǹ tankandi.