Jabuuroolu 18:43 - Mandinka Bible

⁴³ N na moolu mennu naata m boyinkaŋ, i ye n tankandi ì ma, i ye n ke bankoolu la ñaatonkoo ti. M maŋ moolu mennu loŋ, ì bee ye m batu,

Jabuuroolu 18:43 ပူးပေါင်းရင်းမြစ်များ

Yesaya 55:5

Tooñaa-tooñaa, i be bankoolu le kumandi la, i maŋ mennu loŋ, aduŋ bankoolu mennu maŋ i loŋ, wolu niŋ tariyaa le be naa i kaŋ. Nte Yaawe i la Alla, Banisirayila la Senuŋ Baa la kuwo le be a saabu la, kaatu ŋa i fandi niŋ horomoo le la.”

2 Samuweli 3:1

Keloo meŋ keta Sawulu la moolu niŋ Dawuda la moolu teema, ye waati jaŋ ne taa. Dawuda semboo ka tu lafaa la le doroŋ, bari Sawulu la moolu, wolu semboo ka tu dooyaa la le.

2 Samuweli 19:9

Banisirayila kaabiiloolu bee kono, moolu bee be ñoo soosoo kaŋ ne, ka a fo ko, “Mansa Dawuda ye ǹ tankandi ǹ jawoolu buloo kono le, ate le ye ǹ kanandi Filisitinkoolu buloo kono. Bari saayiŋ, Abusalomu la kuwo ye a tinna le, a borita bankoo la.

1 Pita 2:10

Nunto, ali maŋ ke Alla la moolu ti, bari saayiŋ, ali mu a la moolu le ti. Ali maŋ balafaa soto nuŋ Alla bulu, bari saayiŋ, ali ye a soto a bulu le.

Efesusinkoolu 1:22

Alla ye feŋolu bee ke ate le siŋo koto, a ye ate le ke feŋolu bee kuntonkoo ti, a la kafoo ye.

Yesaya 52:15

Bari a be banku jamaa seneyandi la le, fo ì si m batu noo. Ate le be a tinna la, mansoolu jaakalitoo ye i deyi. Ì nene maŋ kuwo meŋ loŋ, ì be wo le je la, ì nene maŋ meŋ moyi, ì be wo le fahaamu la.”

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”

Roomankoolu 16:26

Bari saayiŋ, badaa-badaa Alla la yaamaroo kaŋ, wo kulloo yitandita le, aduŋ a futata nasiyoŋolu bee le ma ka bo niŋ annabiyomoolu la safeeroolu la, fo ì bee si laa, aniŋ ì si a la yaamaroolu muta.

Roomankoolu 15:18

Nte ka haañi ka kuwo doroŋ ne fo, Kiristu ye meŋ ke ka bo niŋ nte la, fo moolu mennu maŋ ke Yahuudoolu ti, ì si Alla la yaamaroo muta. Wo naata ke ka bo niŋ kumoo niŋ baara kuwolu le la,

Roomankoolu 15:12

Wo koolaa Annabilayi Yesaya naata a fo ko: “Maralilaa be bo la Yese bala ko yirisuloo, ate meŋ be loo la ka nasiyoŋolu bee mara, ì bee be ate le ke la ì la jikiraŋo ti.”

Kiilaalu 5:31

Alla le ye a wulindi santo ka a sindi a bulubaa karoo la ka a ke Maralilaa niŋ Kiisandirilaa ti, fo a si tuuboo niŋ junube yamfoo dii Banisirayilankoolu la.

Hoseya 1:10

“Hani wo Banisirayilankoolu yaatewo be ke la le ko bankumunkoo, meŋ te sumaŋ noo la sako a yaatewo si loŋ. Aduŋ a fota a ma daameŋ to ko, ‘Ali maŋ ke n na moolu ti,’ a be fo la a ma jee le to ko, ‘Alla baluuriŋo diŋolu.’

Yesaya 49:6

Saayiŋ, Yaawe ko n ye le ko, “I mu n na dookuulaa le ti, i be kuu le ke la, meŋ tambita ka Yaakuba lasiloolu seyindi ì ñaama, ka Banisirayila moo toomaalu murundi naŋ. M be i ke la bantala bankoolu* fanaa ye maloo le ti, i ye n na kiisoo samba duniyaa tonkoŋ naanoo bee to.”

Jabuuroolu 108:9

Mowabi, wo mu n na bulu kuuraŋ miraŋo le ti. N ka n na samatoo wura Edomu bankoo le kaŋ ka n tooyaa yitandi a kunna. N ka wuuroo kumandi Filisitinkoolu ma le, n na ì noo kaŋ.”