Jabuuroolu 18:4 - Mandinka Bible

⁴ Saayaa wereŋolu ye n kuru le, kasaaroo jiibalimmaa ye n samba.

Jabuuroolu 18:4 ပူးပေါင်းရင်းမြစ်များ

Jabuuroolu 116:3

Saayaa jalamaa le naata n kaŋ karoo bee la, kaburoo silaŋo dunta n na, n tarata dewuŋo niŋ kijafaroo kono.

2 Korintinkoolu 1:9

Tooñaa, ŋà a muta nuŋ ǹ sondomoo kono le ko, saayaa le futata m̀ ma. Bari wo keta ǹ na le, fo ǹ kana jiki m̀ faŋolu la, bari ǹ si jiki Alla la, meŋ ka furewolu wulindi.

Matiyu 26:47

Kabiriŋ Yeesu be diyaamu kaŋ, Yudas meŋ be a la saayibe taŋ niŋ fuloo kono, a niŋ kafu baa naata. Hawusaroolu* niŋ dokoolu be ì bulu. Ì bota naŋ piriisi ñaatonkoolu le yaa, aniŋ alifaalu.

Jabuuroolu 124:4

Ì be ke la le komeŋ waamoo, ì ye ǹ kunuŋ. Ì be woyi la ǹ kaŋ ne komeŋ baa.

Jabuuroolu 22:16

N jawoolu ye m murubeŋ ne ko wulu koorewo, moo jawu kafoo le ye n kuru ka m beŋ, ì ye m buloolu niŋ n siŋolu soo le.

Kiilaalu 21:30

Bituŋ saatewo bee jakasita, moolu niŋ boroo naata ka bo saatewo karoo bee la. Ì ye Pawulu muta, ì ye a kuruntu Alla Batudulaa banta. Kataba kiliŋ, ì ye bundaalu bee soroŋ.

Matiyu 26:55

Wo waatoo la Yeesu ko moolu ye ko, “Fo ali niŋ hawusaroolu niŋ dokoolu le naata m muta baŋ ko suŋo? Luŋ-wo-luŋ n ka sii Alla Batudulaa to le ka karandiroo ke, aduŋ ali maŋ m muta.

Yesaya 13:8

Silaŋ baa be duŋ na ì la le, dimiŋo niŋ niitooroo ye i miniŋ ì la. Ì be ŋuntaŋ na le ko, niŋ musoo be tiŋo to. Ì kija kuntutoo be ñoo juubee la le, ì ñaadaa ye yelema silaŋo kamma.

2 Taarika 20:21

Kabiriŋ a niŋ moolu diyaamuta kuwolu la, ì ñanta meŋ ke la, a ye moolu tomboŋ, mennu be tambi la kelediŋolu ñaato ka suukuwo laa Yaawe ye, ka a jayi a la seneyaa niŋ a la kallankeeyaa* kaŋ ko: “Ali Yaawe tentu, kaatu a la kanu bambaloo be tu la le fo abadaa.”

2 Taarika 20:22

Kabiriŋ ì ye a dati ka suukuwo laa ka jayiroo ke, Yaawe ye Ammoni, Mowabi aniŋ Edomu kelediŋolu mennu be naa kaŋ Yahuuda kamma, duŋ ñoo to ka ñoo kele.