Jabuuroolu 18:30 - Mandinka Bible

³⁰ Alla la siloolu maŋ sootaari soto, Yaawe la kumoo maŋ tana soto. Moolu mennu ka tankoo ñini i bulu, i keta ì la koteeroo le ti.

Jabuuroolu 18:30 ပူးပေါင်းရင်းမြစ်များ

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.

Kuma Kotoomaalu 30:5

Alla la kumoo bee mu tooñaa le ti, a mu koteeroo* le ti moolu ye, mennu ka tankoo ñini a bulu.

2 Samuweli 22:31

Alla la siloo maŋ sootaari soto, Yaawe la kumoo maŋ tana soto. Moolu mennu ka tankoo ñini i bulu, i keta ì la koteeroo le ti.

Jabuuroolu 12:6

Yaawe la laahidi kumoolu maŋ sootaari soto, ì ka munta le ì ye kodiforoo meŋ seneyandi tunkaŋ dimbaa kono, a seneyaata ko siiñaa woorowula.

Lankenemoo 15:3

Ì be Annabilayi Musa la suukuwo laa kaŋ, meŋ mu Alla la dookuulaa ti, aniŋ Saajiiriŋo la suukuwo. Ì be a fo kaŋ ko: “Ite Maariyo, Alla Mansa Tallaa, i la baara kuwolu warabaata le, ì kaawakuuyaata. Ite mu Mansa le ti nasiyoŋolu bee kunto, i la siloolu mu tiliŋo niŋ tooñaa le ti.

Jabuuroolu 119:140

I la laahidoo mu lanna kuwo le ti, aduŋ nte meŋ mu i la dookuulaa ti, ŋa a kanu le.

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Jabuuroolu 25:10

Yaawe ka kuwo bee taamandi tiliŋo niŋ kanu bambaloo le kono moolu ye mennu ka a la kambeŋo muta, aniŋ a la yaamaroolu.

Jabuuroolu 18:2

Yaawe le mu n na semberaŋ bere baa ti, n na tankaraŋ tatoo, aniŋ m bondilaa. N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti, n na kiisandirilaa sembemaa baa, aniŋ n tuukuraŋo.

Roomankoolu 12:2

Ali kana ali faŋolu tembendi ñiŋ duniyaa kuwolu fee, bari ali si yelema ka bo niŋ hakili kutayandiroo la. Wo to le ali be Alla la lafoo loŋ na kuwolu to, mennu beteyaata, ì timmata, aniŋ ì ka a seewondi.

Jabuuroolu 17:7

I la kanu bambaloo la kaawakuuyaa yitandi n na, ite Kiisandirilaa, meŋ ka moolu kiisa, mennu ka tankoo ñini i bulu ì jawoolu ma.