Jabuuroolu 18:22 - Mandinka Bible

²² Ŋa i la luwaalu bee taamandi le, aduŋ m maŋ n ñaa kaasi i la yaamaroolu la.

Jabuuroolu 18:22 ပူးပေါင်းရင်းမြစ်များ

Jabuuroolu 119:13

M be i la luwaalu bee kiliŋ-kiliŋ seyinkaŋ na le, i ye mennu dii i la moolu la.

Jabuuroolu 119:112

Ŋa n sondomoo parendi le ka i la luwaa muta, fo abadaa. Samek

Jabuuroolu 119:128

Wo kamma la n ka bula i la kumakaŋolu bee le nooma kewu, ŋa sila jenkeriŋolu bee le koŋ. Pe

Jabuuroolu 119:117

I buloo duŋ n koto, ka n tanka, fo n si tu la n hakilitu la i la luwaalu to.

Jabuuroolu 119:30

Ŋa meŋ tomboŋ, wo le mu ka i la siloo nooma foroyaa kono. N ka n hakilitu i la yaamaroolu to le.

Yohana 5:14

Ñiŋ kuwolu koolaa, Yeesu ye wo kewo tara Alla Batudulaa to. A ko a ye ko, “A fele, i kendeyaata. Kana junuboo ke kotenke, fo kuu kana ke i la, meŋ jawuyaata foloo ti.”

5 Musa 26:13

Bituŋ i si naa ñiŋ fo Yaawe ñaatiliŋo la, “Yaawe n na Alla, ŋa jakoo bee bondi n na buŋo kono le. Ŋa a dii Lewi lasiloo moolu la, ì niŋ tumarankewo ka taa aliyatiimoolu niŋ furuyaamusoolu, ko i ye n yaamari ka a ke ñaameŋ. M maŋ i la yaamaroolu soosoo waraŋ ka ñina hani kiliŋ na.

5 Musa 26:14

Aduŋ m maŋ feŋ bondi ñiŋ jakoo to, ka a domo n na saŋakumboo waatoo la, waraŋ ka feŋ bondi a to waatoo meŋ na m be kosoriŋ, aduŋ m maŋ feŋ fanaa bondi a to ka a ke furewo ye sadaa ti. N sonta ite Yaawe ma le, n na Alla, ŋa feŋo bee ke le ko i ye n yaamari ñaameŋ.

Yuuba 23:11

M be bulariŋ a simfaañaalu le nooma, n loota a la siloo le kaŋ pet, m maŋ hani jenke kara la.