Jabuuroolu 18:21 - Mandinka Bible

²¹ Kaatu ŋa ite Yaawe la siloolu nooma le, m maŋ kuu kuruŋo ke, ka n koo dii n na Alla la.

Jabuuroolu 18:21 ပူးပေါင်းရင်းမြစ်များ

Jabuuroolu 119:102

Nte maŋ n koo dii i la karandiroolu la, kaatu ite le ka n karandi.

1 Yohana 2:19

Ì bota ǹ na kafoo le kono, bari ì niŋ m̀ maŋ ke kiliŋ ti. Kaatu niŋ ì niŋ m̀ mu kiliŋ ti, wo to ì be tu la m̀ fee le. Bari ì bota ǹ kono le fo a si koyi ko, ì niŋ m̀ maŋ ke kiliŋ ti.

Kiilaalu 24:16

Wo kamma la n ka a kata baake le waati-wo-waati ka baluu tiliŋo kono Alla niŋ moolu bee ñaa koto, fo n sondomoo kana n tuumi noo feŋ na.

Kuma Kotoomaalu 8:32

“Wo to saayiŋ, n diŋolu, ali i lamoyi n na, seewoo be moolu le ye, mennu bulata n na siloolu nooma.

Jabuuroolu 26:1

Hee Yaawe*, kiitiyo teyi n ye, kaatu m be baluuriŋ sootaaribaliyaa le kono, aduŋ n dankeneyaata i la le famfaŋ.

1 Tesalonikankoolu 2:10

Alitolu niŋ Alla le mu seedoolu ti, ǹ ka maa ñaameŋ alitolu Yeesu noomalankoolu kono, ǹ jankuta aniŋ ǹ tilinta ñaameŋ, aduŋ m̀ maŋ sootaaroo soto ali kono.

Jabuuroolu 17:4

Moo doolu ka a ke ñaa-wo-ñaa, bari nte wo de, ŋa i la yaamaroo muta le, ka m faŋ kanta fitina moolu la siloo ma.

2 Taarika 34:33

Mansa Yosiya ye jalaŋolu bee bondi Banisirayila tundoolu bee le to, aduŋ a ye a ke, moolu mennu be Banisirayila ka Yaawe batu, ì la Alla. A baluu tiloo bee, ì maŋ ì koo dii Yaawe batoo la, ì mumuñolu la Alla.

1 Samuweli 15:11

“Nte nimisata le, ka Sawulu ke mansa ti. A ye a koo dii n na le, aduŋ a maŋ n na yaamaroolu muta.” Samuweli kamfaata, aduŋ suutoo muumee kono a tuta Yaawe daani la Sawulu la kuwo la le.

2 Taarika 20:32

Yehosafati bulata a faamaa Asa sinnoo le nooma, a maŋ jenke. A ye kuu kendoo le baara Yaawe ñaa koto.

Jabuuroolu 7:9

Moo kuruŋolu la kuruŋyaa daŋ, i ye moo tilindiŋolu londi ka bambaŋ. Ite Alla tilinta le, i ka moo-wo-moo la miiroo niŋ a la hame kuwolu koroosi le.

Daniyeli 6:23

Bituŋ mansa kontaanita baake, a ye a la dookuulaalu yaamari ka Daniyeli fintindi naŋ jatoolu la koloo kono. Wo le to ì ye Daniyeli fintindi naŋ, aduŋ ì ye a je le ko, hani kuu maŋ ke a la, kaatu a laata Alla la le.