Jabuuroolu 18:2 - Mandinka Bible

² Yaawe le mu n na semberaŋ bere baa ti, n na tankaraŋ tatoo, aniŋ m bondilaa. N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti, n na kiisandirilaa sembemaa baa, aniŋ n tuukuraŋo.

Jabuuroolu 18:2 ပူးပေါင်းရင်းမြစ်များ

Jabuuroolu 144:2

Ate le mu m maakoyilaa kendoo ti, aniŋ n na tatoo. A mu n ye tata bambandiŋo le ti, aniŋ n na kiisandirilaa. A mu n ye tankaraŋ koteeroo* le ti, n ka bambu ate le kooma. Ate le ka banku koteŋ moolu noo ka ì ke n na maroo to.

Jabuuroolu 62:7

N na tankoo niŋ n na horomoo be looriŋ Alla le kaŋ. N na semberaŋ bere bambandiŋo le mu, aniŋ n tuukuraŋo.

Jabuuroolu 91:2

wo si a fo noo Yaawe* ye le ko, “Ite le mu n ye tankadulaa ti, aduŋ i mu n ye tatoo le ti. Ite le mu n na Alla ti, ŋa n jikoo sembe meŋ na.”

Jabuuroolu 19:14

Hee Yaawe, ite le mu n na semberaŋ beroo ti, aniŋ m bondilaa. Allamaa n daakumoolu niŋ n sondomoo kono miiroolu ye ke i ñaa koto mutataa ti.

Kuma Kotoomaalu 18:10

Yaawe* too mu tata bambandiŋo le ti, moo tilindiŋolu ka bori jee le, aduŋ ì ka tanka le.

Jabuuroolu 62:2

N na semberaŋ beroo mu ate doroŋ ne ti, aniŋ n na tankoo. A mu n ye tatoo le ti, hani n te maamaŋ na muk.

2 Samuweli 22:3

N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti n na kiisandirilaa sembemaa baa. Ate le mu n na tatoo ti, aniŋ n tuukuraŋo, a ka n tankandi fitina moolu ma.

Yeremiya 16:19

Hee Yaawe, ite le mu n jikiraŋ semboo ti, aniŋ n na tata bambandiŋo, i mu n tuukuraŋo ti mantooroo waatoo kono. Banku koteŋ moolu be naa i kaŋ ne ka bo naŋ duniyaa daŋolu to, ì ye a fo ko: “Ntolu la alifaa foloolu maŋ keetaafeŋ soto fo jalaŋ kenseŋolu, jalaŋ kenseŋolu, nafaa te mennu la.

Yesaya 32:2

Ì meŋ-wo-meŋ be ke la moolu ye le ko taradulaa, ka ì tankandi foñoo la, aniŋ ka maabodulaa soto, niŋ burufatoo naata. Ì be ke la le ko boloŋo, meŋ ka woyi keñewuloo* kono, aniŋ bere konkoo niiniyo kene kenseŋo kono.

Jabuuroolu 91:4

A be a la tankoo dampammaa le wanka la i kunto, aduŋ i be tankoo soto la wo dampaŋo koto le. A la tiliŋo kaŋ, a be i tanka la le ka i sansaŋ.

Hiburunkoolu 2:13

Aduŋ a ko fanaa ko: “M be n jikoo sembe la a la le.” Aduŋ fanaa a ko: “M fele, n niŋ diŋolu Alla ye mennu dii n na.”

Kuma Kotoomaalu 2:7

A ka ñaatotaa dii moo tilindiŋolu le la, a ka ke tankaraŋo ti moo kendoolu ye.

Jabuuroolu 28:1

Hee Yaawe*, n ka ite le kumandi, n semberaŋ beroo, kana i tulu faa m ma, kaatu niŋ i maŋ i danku m ma, m be ke la le ko moolu mennu taata saayaa dinkoo kono.

Jabuuroolu 59:11

Dukaree Alla, kana ì bee faa ñoo la, niŋ wo nte n na moolu si ñina. Ì janjandi i semboo la, i ye ì boyindi, kooni Maariyo, ǹ na tankandirilaa.

Jabuuroolu 75:10

A be moo kuruŋolu semboo bee buruka la le, bari a be moo tilindiŋolu semboo warandi la le.

Jabuuroolu 132:17

“M be Dawuda koomalankoolu semboo lafaakuu la jee le. M be n na tomboŋ moo la mansayaa lampoo tu la malariŋ ne.

2 Musa 15:2

N semboo ka bo Yaawe le bulu, n ka suukuwo laa ate le ye, a keta n tankandirilaa le ti. Ate le mu n na Alla ti, m be a jayi la le, m faamaa la Alla, m be a sikandi la le.

Jabuuroolu 116:1

Ŋa Yaawe* kanu le, kaatu a ye m moyi le, biriŋ n woosiita a ye ka a daani.