Jabuuroolu 18:17 - Mandinka Bible

¹⁷ A ye n tankandi n jawu sembemaa baalu ma, mennu ye n koŋ, wolu le semboo warabaata n ti.

Jabuuroolu 18:17 ပူးပေါင်းရင်းမြစ်များ

Jabuuroolu 142:6

I lamoyi n na woosiikaŋo la, kaatu n korita le las. N tanka n toorandilaalu ma, kaatu itolu le semboo warata n ti baake.

Jabuuroolu 35:10

N suufoolu faŋo si a fo ko, “Hee Yaawe, jumaa le ka munta ko ite? Ite le ka sembentaŋo tanka sembemaa ma, ka fentaŋolu niŋ moo koririŋolu bondi moolu bulu mennu ka ì mantoora.”

Yuuba 16:9

A ye n teleŋ-teleŋ ñoo bala kamfaa kono, a ye a jusoo kandindi n kamma, a ye a ñaa loo n kaŋ konnanteeyaa le kono.

Jabuuroolu 38:19

N jawu kumbaa jamaalu semboo warata le. Mennu ye n koŋ, daliila te a la, ì siyaata le.

Jabuuroolu 118:7

Yaawe be m fee le ka m maakoyi, aduŋ n ñaa be n jawoolu la boyoo je la le.

Jabuuroolu 25:19

I miira n jawoolu la siyaañaa la, aniŋ ì ye n koŋ jawuke ñaameŋ.

Jabuuroolu 9:13

Hee Yaawe, balafaa n ye. A juubee mennu ye n koŋ, ì ye n toorandi ñaameŋ, ite meŋ ka m bondi saayaa daa to,

2 Samuweli 22:18

A ye n tankandi n jawu sembemaa baalu ma, mennu ye n koŋ, wolu le semboo warabaata n ti.

2 Samuweli 22:1

Dawuda ye ñiŋ suukuwo laa Yaawe* le ye, kabiriŋ Yaawe ye a tankandi a jawoolu bee buloo kono, aniŋ Sawulu bulu.

Luka 19:14

Bari a la bankudiŋolu ye a koŋ, ì ye kiilaalu kii a nooma ko, ‘M̀ maŋ lafi, ñiŋ kewo ye m̀ mara.’

Jabuuroolu 138:7

Hani niŋ mantooroo naata n ye karoo bee la, ite le ka n niyo tanka. Ite le ka i buloo kuntuntee n jawoolu ñaato, niŋ ì be kamfaariŋ n kamma, aduŋ i ka n kiisa niŋ i bulubaa buloo le la.

Jabuuroolu 144:7

I buloo tiliŋ ka bo naŋ santo, i ye n cansu ka n kiisa jii diinondiŋo kono, ka m bondi banku koteŋ moolu bulu,