Jabuuroolu 18:14 - Mandinka Bible

¹⁴ A ye beñoolu fayi, jawoolu janjanta. Ŋalasi baa kuntuta ì ñaato, a ye ì borindi.

Jabuuroolu 18:14 ပူးပေါင်းရင်းမြစ်များ

Jabuuroolu 144:6

I la saŋ ŋalasoo ŋalasindi, i ye i jawoolu janjandi. I la kalabeñoolu fayi, i ye ì kidindi.

Habakuki 3:11

Karoo niŋ tiloo tuta ì noo kiliŋo le to, biriŋ i la kalabeñoolu tambitoo be malamala kaŋ, i la hawusaroo* be ŋalasi kaŋ ko saŋ ŋalasoo.

Yesaya 30:30

Yaawe be moolu moyindi la a kaŋ kallankeeyaariŋo* la le, aduŋ ì be a je la le, a busari buloo be jii kaŋ naŋ duuma, a niŋ kamfaa baa niŋ dimbaa wuleŋo, saŋ feteŋo, turubaadoo aniŋ saŋ beroo.

Jabuuroolu 77:17

Tawaloolu ye sanjoo soo, saŋ feteŋo kumata naŋ santo, saŋ ŋalasoo kalabeñemaa ŋalasita karoo bee la.

Yuuba 6:4

Alla Tallaa ye m buŋ a la kalabeñoolu le la. Ì kunoo dunta n jaatoo kono. Alla ye silaŋ kuwolu le randi n kamma.

Yosuwa 10:10

Yaawe ye ì kijoo teyi le, kabiriŋ ì ye Banisirayilankoolu hayinaŋ. Ate le ye a tinna, Banisirayilankoolu ye ì noo kendeke keloo to, meŋ keta Kibeyoni. Ate le ye a tinna fanaa, ì ye ì bayi fo Beti-Horoni Konko seleraŋ siloo kaŋ. Ì tententa ka ì faa ka taa fo Aseka aniŋ Makeda.

5 Musa 32:42

N na kalabeñoolu be suuri la ì balajaatoo kono le, n na hawusaroo* ye i miŋ ì yeloo la, moo baramariŋolu niŋ mutamoolu yeloo, aniŋ jawu kuntiña jaŋolu.

5 Musa 32:23

“M be maasiiboo le kupi la ali kaŋ, m be ali buŋ na n na kalabeñoo bee le la:

4 Musa 24:8

Alla le ye ali bondi naŋ ka bo Misira, ali semboo be ko le ninsi saŋaroo. Ali be jawu banku moolu kasaara la le, ka ì kuloolu katiŋ-katiŋ ñoo kono, ka ì soo niŋ ali la kalabeñoolu la.

Jabuuroolu 21:12

I be ì ñaato kuntu la i la kalabeñoolu le la, ka ì murundi ì koo la.

Yuuba 38:35

Fo i si saŋ ŋalasoolu jindi noo naŋ baŋ, ì ye naa ka a fo i ye ko, “M̀ fele jaŋ”?

1 Samuweli 2:10

Moolu mennu ye Yaawe soosoo, wolu be kasaara la le. A be sari la ì kaŋ ne ko saŋ feteŋo ka bo saŋo kono ñaameŋ. Yaawe be duniyaa bee kiitindi la le. A be semboo dii la a la mansa la le. A be a la tomboŋ moo la dawuloo wulindi la le.

Yuuba 37:4

Saŋ ŋalasoo koolaa, saŋ feteŋo si naa bula a nooma, a si feteŋ Alla la mansabaayaa semboo kaŋ. Saŋo si naa ŋalasi kotenke, Alla le ka ì kii naŋ, niŋ a be diyaamu kaŋ.

Yuuba 37:5

Alla ka kuma le ko saŋ feteŋo, aduŋ a moyoo jaakaloo warata. A ka kuu baa jamaa le ke, m̀ buka mennu fahaamu noo.

Jabuuroolu 29:3

Yaawe kumakaŋo jiita baajiyolu kaŋ, Alla, Mansa Kallankewo bumbunta, aduŋ a kumakaŋo ye i danku fankaasoolu to.

Jabuuroolu 29:7

Yaawe kumakaŋo ka saŋo ŋalasi le.

Jabuuroolu 77:18

I la saŋ feteŋo birimintinta naŋ, i la saŋ ŋalasoolu ye duniyaa fanundi. Bankoo jarajarata ka jiijaa.

Yoweli 2:11

Yaawe bumbunta a la kelejawaroolu kunto, waroo meŋ be kafoo la, meŋ bulata a nooma! Mennu ka a la yaamaroo muta, yaatee te wolu la. Tooñaa-tooñaa, Yaawe la luŋo warata le, a be jawuyaa la le kendeke. Jumaa le si a muña noo?