Jabuuroolu 17:14 - Mandinka Bible

¹⁴ Yaawe, ka bo niŋ i semboo la, n tanka moo halakiriŋolu ma, mennu la joo mu duniyaa kuwo doroŋ ne ti. Allamaa i ye ì soodindi jaraboo la, i ye meŋ maabo ì kamma. Allamaa ì diŋolu taa ye tambi wo la, fo too ye tu ì koomalankoolu ye.

Jabuuroolu 17:14 ပူးပေါင်းရင်းမြစ်များ

Yuuba 22:18

Bari hani wo bee, ate Alla le ye ì la buŋolu kono fandi neemafeŋolu la. Moo kuruŋolu la feeroolu, nte niŋ wolu teemoo jamfata ñoo la le.

Yohana 17:14

Ŋa ite la kumoo dii ì la le, aduŋ duniyaa ye ì koŋ ne, kaatu ì maŋ ke duniyaa taa ti, ko m maŋ ke duniyaa taa ti ñaameŋ.

Yohana 15:19

Niŋ ali keta duniyaa le taa ti, duniyaa be ali kanu la le ko a fansuŋ taa. Bari ali maŋ ke duniyaa taa ti, kaatu ŋa ali tomboŋ ne ka bo duniyaa kono. Wo le ye a tinna duniyaa ye ali koŋ.

Yohana 8:23

A ko ì ye ko, “Alitolu bota duuma le, bari nte bota naŋ santo le. Alitolu bota ñiŋ duniyaa le kono, bari nte maŋ bo ñiŋ duniyaa kono.

Luka 16:25

Bari Iburayima ko a ye le ko, ‘N diŋo, i hakiloo bulandi ko, i la baluwo tumoo la, i ye feŋ betoolu bee soto le, aduŋ Lasarus ye feŋ jawoolu le soto. Bari saayiŋ, a sabarindita jaŋ ne, ite be tooroo kono.

Luka 16:8

“Wo kamma la, kuntiyo ye wo dookuulaa tapalewo jayi a la ñaameŋo la. Ali a juubee, ñiŋ duniyaa moolu feereta ì la jamaanoo keñaa to le ka tambi moolu la, mennu be Alla la siloo kaŋ.

Yankuba 5:5

Ali tarata ñiŋ duniyaa kono fankoo niŋ niidiyaa kono! Ali ye ali sondomoolu ke batundoo ti, bari a be pareeriŋ kanateyi luŋo le ye.

Jabuuroolu 73:12

Moo kuruŋolu be teŋ ne, ì ka tara dahaa le kono, aduŋ ì la sotoo ka lafaa le doroŋ.

Jabuuroolu 39:6

Hadamadiŋo buka mee baluuriŋ, a be le ko niiniyo, a la matimatoo mu kenseŋ ne ti. Moo ka naafuloo kafu ñoo ma le, bari a buka a loŋ meŋ taa be ke la a ti.

Yuuba 21:21

Niŋ ì la waatoo banta, ì diŋolu la kuu buka bula ì kono kotenke.

Yuuba 12:9

Wolu bee ye a loŋ ne ko, Yaawe* le mu ì Daamansoo ti.

Yuuba 12:6

Suŋolu yaa ka tara sumayaariŋ ne, aduŋ Alla sookilaalu fanaa ka tara tankoo kono le. Ì ka tara jikiriŋ ì fansuŋ semboo le la ko i la Alla.

Matiyu 13:44

“Arijana mansabaayaa ka munta le ko naafuloo meŋ be maaboriŋ kunkoo kono. Kabiriŋ kewo ye a je, a naata a maabo kuu jee. A niŋ seewoo taata, a ye a la sotofeŋolu bee waafi, bituŋ a ye wo kunkoo saŋ.

Kuma Kotoomaalu 2:4

niŋ i ye a ñini, komeŋ i ka kodiforoo ñini ñaameŋ, niŋ i ye a muta, komeŋ i ka naafuloo muta ñaameŋ,