Jabuuroolu 17:10 - Mandinka Bible

¹⁰ Balafaa te ì sondomoo kono. Ì ka faŋ wara kumoolu le fo ì daalu la.

Jabuuroolu 17:10 ပူးပေါင်းရင်းမြစ်များ

Yuuba 15:27

A be nunkuriŋ fo a kaaraalu bee fintita, a tewo be kufukufuriŋ.

Jabuuroolu 119:70

Itolu sondomoolu sukita le, bari i la karandiroo ka nte seewondi le.

Jabuuroolu 123:4

Ntolu meeta toora la le, moo kono faariŋolu la ñaawaliroo kaŋ, aniŋ faŋ wara moolu la jutunnayaa kaŋ.

Jabuuroolu 31:18

Faniyaa folaalu daa siti, mennu ka kuma jawu baalu fo moo tilindiŋolu ma, aniŋ faŋ waroo niŋ jutunnayaa.

2 Musa 15:9

“I jawoolu ye daa wara kumoolu fo ko, ‘M̀ be ì bayindi la, aduŋ m̀ be ì tarandi la le. M̀ be ì la naafuloo talaa la le, meŋ diyaata ǹ ye, m̀ be wo le taa la. M̀ be ǹ na hawusaroo* saba la, m̀ be ì bee kasaara la le.’

2 Musa 5:2

Firawoona kumata ko, “Jumaa le mu Yaawe ti? Muŋ ne ye a tinna, m be n lamoyi la a la, ka Banisirayilankoolu bula ì ye taa? M maŋ Yaawe loŋ, aduŋ m maŋ taa Banisirayilankoolu bula la ì ye taa.”

Yesaya 6:10

Ñiŋ moolu sondomoolu suki, i ye ì tuloo kuyandi aniŋ i ye ì ñaa finkindi. Niŋ wo nte, ì si jeroo ke niŋ ì ñaalu la le, ì ye moyiroo ke niŋ ì tuloolu la, ì ye fahaamuroo ke niŋ ì sondomoolu la, ì ye naa yelema, ì ye kendeyaa.”

Matiyu 13:15

Kaatu ñiŋ moolu sondomoolu bee jaata le. Ì buka moyiroo ke noo baake ì tuloolu la, aduŋ ì ye ì ñaalu biti le. Niŋ wo nte, ì be jeroo ke la ì ñaalu la le, ì ye moyiroo ke ì tuloolu la, aduŋ ì be fahaamuroo ke la ì sondomoolu la le ka naa muru nte kaŋ, fo n si ì kendeyandi.’

Kiilaalu 28:27

Kaatu ñiŋ moolu sondomoolu jaata le, ì tuloo kuyaata le ka moyiroo ke, aduŋ ì ye ì ñaalu biti. Niŋ wo nte, ì si jeroo ke niŋ ì ñaalu la, ì ye moyiroo ke niŋ ì tuloolu la, ì ye fahaamuroo ke niŋ ì sondomoolu la, aduŋ ì si muru n kaŋ fo ì si kendeyaa.’

5 Musa 32:15

Wo le to Yesuruni naata nunku, a menta, a nunkuta, a be faariŋ tep, bituŋ a badalita. A ye a koo dii Alla la, a Daamansoo, a jututa a Semberaŋ Bere Baa la, a Kiisabaa.

2 Pita 2:18

Ì ka kuma kenseŋolu le fo niŋ ì la kibiri kuma baalu la. Ì ka ñiŋ moolu muta ka bo niŋ balajaatoo la hame kuu jawoolu le la, mennu be kana kaŋ wo neeneerilaalu la sila filiriŋo ma saayiŋ.

1 Samuweli 2:3

Ali kana tu diyaamu la ka ali faŋolu sikandi, ali si ali la kuma baalu talaa. Kaatu Yaawe mu Alla le ti, meŋ ye moo la kuwolu loŋ, aduŋ ate le ka ke moolu la kebaaroolu peesarilaa ti.