Jabuuroolu 17:1 - Mandinka Bible

¹ Hee Yaawe*, i lamoyi n na kumboo la, i ye kiitiyo teyi n ye. I tuloo loo n na duwaa la, neeneeri kuma te n daa.

Jabuuroolu 17:1 ပူးပေါင်းရင်းမြစ်များ

Jabuuroolu 142:6

I lamoyi n na woosiikaŋo la, kaatu n korita le las. N tanka n toorandilaalu ma, kaatu itolu le semboo warata n ti baake.

Jabuuroolu 61:1

Hee Alla, i lamoyi n kumboo kaŋo la. N na duwaa moyi.

1 Yohana 3:21

N kanuntewolu, niŋ ǹ sondomoolu maŋ ǹ tuumi, wo to ŋà dankeneyaa soto Alla ñaatiliŋo la le.

Matiyu 15:8

‘Ñiŋ moolu ka m batu ì daalu doroŋ ne la, bari ì sondomoolu jamfata n na le.

Jabuuroolu 145:18

Yaawe be sutiyaariŋ moolu la le mennu ka a kumandi, mennu ka a kumandi sondome seneyaa kono.

Yesaya 29:13

Yaawe ko: “Ñiŋ moolu ka m batu ì daalu doroŋ ne la, ì ka m buuñaa ì neŋ kolomoo doroŋ ne la, bari ì sondomoolu jamfata n na le. Niŋ ì be m batu la, ì ka bula hadamadiŋolu la yaamaroo le nooma, ì ye meŋ karaŋ ì kuŋ fee.

Jabuuroolu 142:1

Ŋa n kaŋo bula le ka kumboo Yaawe* ye. Ŋa n kaŋo bula le ka a daani.

Jabuuroolu 140:12

Yaawe, ŋa a loŋ ne ko, ite le ka loo moo bataariŋolu la kiitiyo la, aniŋ fentaŋolu la boloo ye.

Jabuuroolu 86:1

Hee Yaawe*, i lamoyi n na, i ye n danku, kaatu nte mu fentaŋo le ti, aniŋ moo koririŋo.

Jabuuroolu 66:19

Bari tooñaa-tooñaa, Alla ye i lamoyi n na le, aduŋ a ye n na duwaa muta le.

Jabuuroolu 43:1

Hee Alla, kiitiyo teyi n ye, i ye loo n na kuwo la n niŋ allantaŋolu teema. N tanka neeneerilaalu niŋ jamfantuŋolu ma.

Jabuuroolu 18:20

Yaawe, i ye n kiitindi n na tiliŋo le kaŋ, n na sootaaribaliyaa be ñaameŋ, i ye n joo wo le ñaama.

Jabuuroolu 7:8

Yaawe, ite le ka kiitiyo teyi moo bee ye. Sembetii Baa, kiitiyo teyi n ye ka n na boloo yitandi, aniŋ n na sootaaribaliyaa.

2 Taarika 7:15

Saayiŋ, m be n ñaa niŋ n tuloo tu la duwaalu to le, mennu be ke la ñiŋ dulaa to.

Jabuuroolu 5:2

N kumboo kaŋo moyi maakoyiri ñiniŋo la, n na Mansoo aniŋ n na Alla. Hee Yaawe, n ka ite le daani,

Yohana 1:47

Kabiriŋ Yeesu ye Nataniyel je naa la a kaŋ, a ye a la kuwo fo ko, “Banisirayilanka tooñaa fele, tapaleeyaa te meŋ na kuwo to!”

Jabuuroolu 18:44

aduŋ tumarankewolu naata le, ka ñoyi n ye. Niŋ ì ye n na kumoo moyi doroŋ, ì ka n horoma le.

Nehemiya 1:6

Nte mu i la dookuulaa le ti. I lamoyi n na, i ye moyiroo ke n na duwaa la, m be meŋ ke kaŋ suutoo niŋ tiloo, ñiŋ Banisirayilankoolu ye, i la dookuulaalu. Ŋa junuboolu yitandi le ntolu Banisirayilankoolu ye mennu ke i la. Nte niŋ n na dimbaayaa fanaa ye junuboo ke le.

Yeremiya 3:10

A ye ñiŋ kuwolu bee ke ñaa-wo-ñaa, Yahuuda, Banisirayila baadiŋ jenkeriŋo maŋ muru naŋ n kaŋ niŋ a sondomoo bee la. A ka a faŋ mulundi le doroŋ ko wo le be a to.” Yaawe le ye a fo.

2 Samuweli 22:24

I ye a loŋ ne ko, m maŋ sika soto, aduŋ ŋa m faŋo tankandi junube kuwo la le.

Yuuba 16:17

M maŋ fitina kuu-wo-kuu le ke, aduŋ n na Alla batoo seneyaata le.

Jabuuroolu 54:4

Tooñaa-tooñaa, Alla le mu m maakoyilaa ti, Maariyo le mu n niyo kantalaa ti.

Jabuuroolu 55:18

A be n niyo tankandi la kayira kono le, ka bo m be keloo meŋ kono, kaatu moo jamaa le ka n kele.

Jabuuroolu 61:2

N ka i kumandi le ka bo fo duniyaa daŋo to, tuma meŋ na n jikilateyita. N samba tankaraŋ bere baa to, meŋ jamfabaata n ti.

Jabuuroolu 84:9

Hee Alla, ǹ na mansa juubee, i ye kaayaa a ye, i ye mansa meŋ tomboŋ.

Jabuuroolu 86:6

Yaawe, i lamoyi n na duwaa la, n kumboo kaŋo moyi, m be maakoyiri ñiniŋo le la.

Jabuuroolu 88:3

N na baluwo be faariŋ mantoora kuwolu le la, domandiŋ n si taa laakira.

Jabuuroolu 102:2

Kana i ñaa kaasi n na, n na mantooroo waatoo la. I lamoyi n na, i ye tariyaa ka n jaabi, niŋ ŋa i kumandi.

Jabuuroolu 143:1

Hee Yaawe*, n na duwaa moyi, i lamoyi n na daaniroo la. N jaabi, kaatu i tilinta le, aduŋ i konotoo seneyaata.