Jabuuroolu 16:8 - Mandinka Bible

⁸ N hakiloo ka tu ñiŋ kaŋ ne ko, Yaawe be m fee le waati-wo-waati. A ka tara n daala le, wo kamma la feŋ te m bondi la n noo to.

Jabuuroolu 16:8 ပူးပေါင်းရင်းမြစ်များ

Jabuuroolu 121:5

Yaawe le mu i tankandilaa ti. Ate le mu i ye dubeŋo ti, meŋ ka tara i fee.

Jabuuroolu 62:6

N na semberaŋ beroo mu ate doroŋ ne ti, aniŋ n na tankoo. A mu n ye tatoo le ti, hani n te maamaŋ na.

Jabuuroolu 73:23

Bari hani wo m be sabatiriŋ i fee le, aduŋ i ye m muta niŋ m bulubaa buloo le la.

Jabuuroolu 110:5

Yaawe be i bulubaa karoo la le. Niŋ a kamfaata waatoo meŋ na, a be mansoolu kasaara la le.

Jabuuroolu 73:26

N jaatoo niŋ n sondomoo si kori noo, bari n sondomoo la bambaŋo be dendiŋ Alla le la. Ŋa ate doroŋ ne soto fo abadaa.

Jabuuroolu 109:31

kaatu a ka loo sembentaŋolu la kuwo la le, ka ì kiisa kiitiikuntulaa jenkeriŋolu bulu mennu ka ì faa.

Hiburunkoolu 11:27

Ka bo niŋ lannoo le la, a ye Misira bankoo bula. A maŋ sila Misira mansakewo la kamfaa la, bari a tententa niŋ wakiiloo le la, a ye a ñaa loo Alla jebaloo kaŋ ko niŋ a ye a je le.

Jabuuroolu 15:5

A buka a la kodoo dontolaa ka lankaŋo ñini, aduŋ a buka dukoo muta ka moolu la boloo taa, mennu maŋ kuu jawu ke. Moo meŋ ka kuwolu taamandi teŋ, wo te wutu la a noo to.

Jabuuroolu 139:18

N te ì yaatee noo la, kaatu ì be siyaa la bankumunkoo ti le. Niŋ n wulita, hani ka bii i be m fee le.

Jabuuroolu 21:8

I buloo be laa la i jawoolu bee kaŋ ne. I bulu sembemaa be laa la moolu kaŋ ne mennu ye i koŋ.

Jabuuroolu 62:3

Janniŋ muŋ tuma le mu ali be tu la boyi la moo kaŋ, ali bee ye a boyindi ko tata sansaŋ laamaariŋo, sansaŋo meŋ be cojiriŋ?

Jabuuroolu 62:7

N na tankoo niŋ n na horomoo be looriŋ Alla le kaŋ. N na semberaŋ bere bambandiŋo le mu, aniŋ n tuukuraŋo.