Jabuuroolu 16:1 - Mandinka Bible

¹ Hee Alla, n kanta, kaatu m be tuukuriŋ ite le la, ka n tankandi.

Jabuuroolu 16:1 ပူးပေါင်းရင်းမြစ်များ

Jabuuroolu 56:1

Hee Alla, balafaa n ye, kaatu moolu le be n toorandi kaŋ. N jawoolu le ka tu m mantoora la.

Jabuuroolu 17:8

N kanta ko moo ka a ñaakesoo kanta ñaameŋ. M maabo i la tankoo dampammaa koto,

Jabuuroolu 116:6

Yaawe le ka moo tanka meŋ te a faŋ maakoyi noo la. Kabiriŋ m bataata, a ye n tankandi le.

Jabuuroolu 84:12

Yaawe Alihawaa Maariyo, barakoo be moo le ye, meŋ dankeneyaata i la.

Jabuuroolu 31:23

Ali Yaawe kanu, alitolu mennu bee mu a la moolu ti. Yaawe ka moo tilindiŋolu kanta le, bari a ka julujooñaa jawu le ke faŋ wara moolu la.

2 Timoti 1:12

Wo daliiloo kamma la, n ka toora ñiŋ kuwolu la. Bari n te malu la muk, kaatu ŋa ate loŋ ne, n laata meŋ na, aduŋ n dankeneyaata le ko, a ye meŋ karafa m ma, a be a kanta la le fo a naa luŋo la.

Kuma Kotoomaalu 2:8

Kaatu a ka moo tilindiŋolu la siloolu kanta le, aduŋ a ka tankandiri ke a la tooñaa moolu la.

Jabuuroolu 146:5

Seewoo be moo le ye meŋ ye Yaakuba la Alla muta a la maakoyirilaa ti, meŋ ye a jikoo loo Yaawe kaŋ, a la Alla.

Jabuuroolu 9:10

Moolu mennu ye ite loŋ famfaŋ, wolu be ì jikoo loo la i kaŋ ne. Yaawe, ite buka i koo dii moolu la mennu ka i ñini.

Jabuuroolu 7:1

Hee Yaawe, n na Alla, n ka tankoo ñini ite le bulu. M bondi n toorandilaalu bulu, i ye n kiisa ì ma.

Jabuuroolu 125:1

Moolu mennu ye ì jikoo loo Yaawe* kaŋ ka munta le ko, Siyoni* Konkoo meŋ te jiijaa noo la, a be tu la looriŋ ne fo abadaa.

Jabuuroolu 97:10

Yaawe ye moolu le kanu mennu ye kuu jawoo koŋ, a ka a la moolu niyo kanta le, a ka ì tankandi moo jawoolu bulu.

Jabuuroolu 60:1

Hee Alla, i ye i bo ǹ to le, i ye ǹ na tankoo tiñaa. I tarata kamfaariŋ ǹ kamma le, bari saayiŋ m̀ murundi ǹ ñaama.

Jabuuroolu 37:28

Kaatu Yaawe ye tiliŋo le kanu, aduŋ a te a koo dii la a la moo tilindiŋolu la. A ka ì kanta le fo abadaa, bari moo jawoolu koomalankoolu, a be wolu wafati la bankoo kaŋ ne.

Jabuuroolu 25:20

Dukaree, n niyo kanta, i ye n tankandi. Kana soŋ ŋa bula maloo kono, kaatu ŋa tankoo ñini ite le bulu.

Jabuuroolu 17:5

N ka tu i la taaraŋ siloo le kaŋ, m buka i la siloo lamfee.

2 Korintinkoolu 1:9

Tooñaa, ŋà a muta nuŋ ǹ sondomoo kono le ko, saayaa le futata m̀ ma. Bari wo keta ǹ na le, fo ǹ kana jiki m̀ faŋolu la, bari ǹ si jiki Alla la, meŋ ka furewolu wulindi.

Jabuuroolu 22:8

“A ye a faŋ karafa Yaawe* le ma, batu a ye a kiisa. Batu a ye a tankandi, bayiri a la kuwo ye a kontaani le.”

Jabuuroolu 7:2

Niŋ wo nte, ì jatamaalu si m faraŋ-faraŋ taariŋ, ì ye n janjaŋ, moo te n tankandi noo la.