Jabuuroolu 150:5 - Mandinka Bible

⁵ Ali newolu kosi ka a jayi, ali ye jaawali palaatoolu seyiŋ ñoo la ka a jayi.

Jabuuroolu 150:5 ပူးပေါင်းရင်းမြစ်များ

1 Taarika 15:16

Dawuda ye Lewi lasili ñaatonkoolu yaamari le ka tombondiri ke Lewi lasiloo moolu kono, ka seewoo suukuwo laa, aniŋ ka kontiŋolu, kooraalu aniŋ jaawali palaatoolu kosi.

1 Taarika 25:1

Mansa Dawuda niŋ a la ñaatonkoolu ye tombondiri ke ñiŋ kaabiiloolu le kono ka baturoo kuwolu taamandi, wolu le mu: Asafu kaabiiloo, Hemani kaabiiloo aniŋ Yedutuni kaabiiloo. Ñinnu be kali la Alla la kiilaariyaa kumoo fo la kooraalu la le, kontiŋolu aniŋ jaawali palaatoolu. Ñiŋ ne mu moolu ti mennu tombonta ka baturoo ñaatonkayaa, kafu-wo-kafu niŋ a la dookuwo:

1 Taarika 25:6

Itolu bee be ì faamaa la yaamaroo le koto ka jaawali palaatoolu, kontiŋolu, aniŋ kooraalu kosi Yaawe ye baturoo waatoo. Asafu, Yedutuni aniŋ Hemani, itolu faŋo be mansa la yaamaroo le koto.

1 Taarika 15:28

Aduŋ Banisirayilankoolu bee le be Yaawe la Kambeŋ Kunewo samba kaŋ, ì seewootoo be wuuri kaŋ santo, ì be jaawali palaatoolu, kooraalu niŋ kontiŋolu kosi kaŋ, ì be saakotoŋ binoo* fanaa fee kaŋ.

1 Taarika 15:19

Suukuulaalaalu mennu ñanta jaawali palaatoolu kosi la, wolu le mu: Hemani, Asafu aniŋ Etani.

1 Taarika 16:5

Asafu le mu ñaatonkoo ti, Jakariya ye wo nooma, Yeyeli, Semiramoti, Yehiyeli, Matitiya, Eliyabu, Benaya, Obedi-Edomu aniŋ Yeyeli. Wolu le ka kontiŋolu niŋ kooraalu kosi, Asafu le ka jaawali palaatoolu kosi.

2 Samuweli 6:5

Dawuda niŋ Banisirayilankoolu bee tarata suukuwo niŋ doŋo la semboo la, ka Yaawe horoma. Ì be kontiŋo, kooraa, tambuuroo, keseŋ-kesendaŋo aniŋ newolu le kosi kaŋ.

1 Taarika 13:8

Dawuda niŋ Banisirayilankoolu bee tarata suukuwo niŋ doŋo la semboo la. Ì ka suukuwo laa niŋ kontiŋo la, kooraa, tambuuroo, jaawali palaatoolu aniŋ footaŋolu, ka Yaawe too kidimandi.