Jabuuroolu 150:4 - Mandinka Bible

⁴ Ali a jayi tambuuroolu niŋ doŋo la, ali a jayi kontiŋ juloolu niŋ ŋaliitoolu la.

Jabuuroolu 150:4 ပူးပေါင်းရင်းမြစ်များ

Jabuuroolu 149:3

Ali a jayi a too la, ali niŋ doŋo. Ali maakaŋ diimaa ke a ye niŋ tambuuroo la, aniŋ kontiŋo.

Yesaya 38:20

Yaawe be n tankandi la le, aduŋ m̀ be suukuwolu laa la kooraalu le la, Yaawe Batudulaa Buŋo* to, m̀ baluu tiloolu bee la.

2 Musa 15:20

Bituŋ Miriyaamu, annabiyomu musoo, meŋ keta Haaruna baarimmusoo ti, ye tambuuroo taa, musoolu bee bulata a nooma, ì niŋ tambuuroolu niŋ doŋo.

Jabuuroolu 144:9

Hee Alla, m be suukuu kutoo laa la i ye le. M be a laa la i ye niŋ kooraa le la.

Jabuuroolu 92:3

ka a ke niŋ kooraa la, aniŋ suusaa, ka a laa niŋ kontiŋ julu diimaa la.

Yuuba 30:31

N na kontiŋ kumoo yelemata woosiyo ti, n na footaŋ kumoo keta kumboo kaŋo ti.

Jabuuroolu 45:8

I la dendika baalu bee seerandita niŋ seerandi feŋolu le la. Kontiŋ kosilaalu ka i seewondi mansabuŋolu le kono, mennu kono ñarandita niŋ samañiŋolu la.

Jabuuroolu 33:2

Ali kontiŋo kosi ka Yaawe jayi, ali ye kooraa taa ka a jayi a la.

Yuuba 21:12

Itolu ñiŋ moo kuruŋolu ka tara denkili laa la, tambuuru kosoo, aniŋ kontiŋ kosoo. Ì ka tara ì faŋ seewondi kaŋ footaŋo kumakaŋo la.

Habakuki 3:19

M Maarii Yaawe le mu nte semboo ti. A ye n siŋolu feeyandi m bulu ko minaŋo, ka n taamañaa sooneeyandi konkoolu kaŋ. Meŋ be suukuulaa ñaatonkayaa la: A si ke niŋ kontiŋolu la.