Jabuuroolu 149:4 - Mandinka Bible

⁴ Yaawe ka kontaani a la moolu la kuwo la le. A ka horomoo dii fammajiilaalu la le ka bo niŋ nooroo la ì jawoolu kaŋ.

Jabuuroolu 149:4 ပူးပေါင်းရင်းမြစ်များ

Jabuuroolu 147:11

Bari Yaawe ka kontaani moolu le la kuwo la, mennu ye a kuliyaa, mennu be jikiriŋ a la kanu bambaloo la.

1 Pita 3:4

bari ali la ñiiñaa si bo niŋ ñarandi kuwolu la, mennu be maaboriŋ ali sondomoo kono, aduŋ ì te kasaara la. Tenkuŋo niŋ mooyaa le mu naafuloo ti, meŋ kummaayaata Alla ñaatiliŋo la.

Jabuuroolu 35:27

Allamaa mennu ye boloo ŋaniya n ye, wolu ye wuuri seewoo niŋ jusulaa kono, ì ye tara a fo la ko, “Yaawe warata le, ate meŋ ka kontaani nte la kayiroo la, a la dookuulaa.”

Jabuuroolu 132:16

M be kiisoo dendikamaa le duŋ na a la piriisoolu la, aduŋ a la moo tilindiŋolu be tu la wuuroo niŋ seewoo le la.

Jabuuroolu 22:8

“A ye a faŋ karafa Yaawe* le ma, batu a ye a kiisa. Batu a ye a tankandi, bayiri a la kuwo ye a kontaani le.”

Sefaniya 3:17

Yaawe, ali la Alla be ali fee le. Ate le mu kelejawaroo ti meŋ ka nooroo ke. A be seewoo la ali la kuwo la le. A la kanoo ali kaŋ, wo be dahaa le dii la ali la, a ye ali la kuwo denkili seewoo kamma la.”

Yeremiya 32:41

M be seewoo la le ka kuu kendoo ke ì ye, aduŋ m be ì tutukuu la ñiŋ bankoo kaŋ tooñaake le, n sondomoo niŋ n niyo la.

Jabuuroolu 117:2

Kaatu a la kanu bambaloo warata m̀ fee le, aduŋ a la tiliŋo be tu la le fo abadaa. Ali Yaawe jayi.

Yesaya 61:10

Yaawe la kuwo seewoo tambita n kunna le, n niyo laata n na Alla la karoo la le. Kaatu a ye kiisoo dendikamaa le duŋ n na, a ye tiliŋo warambamaa duŋ n na, ko maañootiyo ka i paree ñaameŋ, aniŋ ko maañoo ka a faŋo ñiiñandi a la ñaroolu la ñaameŋ.

Kuma Kotoomaalu 11:20

Ŋaniya jawuyaa mu Yaawe tanoo le ti, bari mennu maŋ sootaari soto, a ka seewoo wolu la kuwolu la le.

Jabuuroolu 90:17

M̀ Maarii Alla, Allamaa i la hiinoo ye tara m̀ fee, aduŋ i si ǹ na bulu la dookuwo bee ke ǹ ye ñaatotaa ti. Dukaree, ǹ na kata kuwolu bee ke ǹ ye ñaatotaa ti.

1 Pita 5:5

Wo ñaa kiliŋo la, alitolu fondinkewolu, ali soŋ alifaalu ma. Ali ye i fammajii ñoo ye. Ali bee si wo fammajiyo duŋ ali la feetoofatoo ti, kaatu “Alla ka balaŋ faŋ wara moolu ma le, bari moolu mennu ye i fammajii, a ka hiina wolu ma le.”

Hiburunkoolu 12:10

Wolu ka ǹ kuluu le, fo waatindiŋ, ko a beteyaata ì fee ñaameŋ. Bari Alla ka ǹ kuluu m̀ faŋolu la nafaa le kamma, fo ǹ si ǹ niyo soto a la seneyaa kono.

Lankenemoo 7:14

Ŋa a jaabi ko, “Alifaa, ite le ye a loŋ.” A ko n ye ko, “Ñinnu le mu moolu ti, mennu bota naŋ toora baa kono. Ì ye ì la waramboolu kuu le, ì ye ì koyindi niŋ Saajiiriŋo yeloo la.

Suukuwo 1:11

M̀ be sani yooroolu dadaa la i ye le, a konoŋ kesoolu ye ke kodiforoo ti. Musoo ko: