Jabuuroolu 149:3 - Mandinka Bible

³ Ali a jayi a too la, ali niŋ doŋo. Ali maakaŋ diimaa ke a ye niŋ tambuuroo la, aniŋ kontiŋo.

Jabuuroolu 149:3 ပူးပေါင်းရင်းမြစ်များ

Yeremiya 31:13

Wo tumoo le mu sunkutoolu be seewoo la, ì niŋ doŋo, ka taa fondinkewolu niŋ keebaalu kafuriŋo. M be ì la kumboo yelemandi la seewoo le ti. M be ì jusoo ñabu la le, ŋa jusulaa seyi ì ye niikuyaa noo to.

Jabuuroolu 81:2

Ali wutu suukuwo ti, ka tambuuroo kosi, aniŋ kontiŋo niŋ kooraa julu diimaa.

2 Musa 15:20

Bituŋ Miriyaamu, annabiyomu musoo, meŋ keta Haaruna baarimmusoo ti, ye tambuuroo taa, musoolu bee bulata a nooma, ì niŋ tambuuroolu niŋ doŋo.

Jabuuroolu 30:11

I ye n na kumboo yelemandi n ye doŋo le ti. I ye niikuyaa booto funtoo wura n na le, i ye seewoo dendikoo duŋ n na.

2 Samuweli 6:16

Biriŋ Yaawe la Kambeŋ Kunewo be duŋ kaŋ Yerusalaamu, Mikali meŋ keta Sawulu dimmusoo ti, ye juubeeroo ke niŋ palanteeroo la. Biriŋ a ye a je, Mansa Dawuda seewooriŋo be i doŋ kaŋ Yaawe ñaatiliŋo la, a jututa a la a sondomoo kono.

2 Samuweli 6:14

Dawuda ye piriisoo* la duŋ feŋo siti a tee to, a ye i doŋ Yaawe ñaatiliŋo la niŋ a semboo bee la.

Kiitindirilaalu 11:34

Bituŋ Yefuta muruta naŋ a la suwo kono Misipa, aduŋ a dimmusoo le fintita naŋ ka a benduŋ. Tambuuroo be a buloo kono, a be a kosi kaŋ, aniŋ a be i doŋ kaŋ. Ñiŋ sunkutoo dammaa le mu a bulu diŋo ti. A maŋ diŋ koteŋ soto, fo ñiŋ dimmusu kiliŋo.

Jabuuroolu 33:2

Ali kontiŋo kosi ka Yaawe jayi, ali ye kooraa taa ka a jayi a la.

Esira 3:10

Kabiriŋ buŋ loolaalu ye Yaawe Batudulaa Buŋo fondamaŋo laa fokabaŋ, piriisoolu niŋ ì la duŋ feŋolu loota ì loodulaalu to, footaŋolu be ì bulu, aduŋ Lewi lasiloo Asafu koomalankoolu fanaa loota jee le, ì niŋ ì la jaawali palaatoolu ì ka mennu kosi. Ì ye Yaawe jayi, ko Mansa Dawuda ye a yitandi ñaameŋ koomanto.

1 Taarika 16:42

Hemani niŋ Yedutuni le marata footaŋolu niŋ jaawali palaatoolu la, aniŋ suukuu jooraŋ toomaalu. Yedutuni dinkewolu le tombonta ka mara dundaŋ daa ma.

2 Taarika 29:25

A ye Lewi lasiloo moolu londi Yaawe Batudulaa Buŋo kono, ì niŋ jaawali palaatoolu, kontiŋolu, aniŋ kooraalu, ko Dawuda niŋ Annabilayi Kadu niŋ Annabilayi Natani ye a yaamari ñaameŋ. Kaatu ñiŋ yaamaroo bota naŋ Yaawe le bulu, ka bo niŋ annabiyomoolu la.

1 Taarika 25:6

Itolu bee be ì faamaa la yaamaroo le koto ka jaawali palaatoolu, kontiŋolu, aniŋ kooraalu kosi Yaawe ye baturoo waatoo. Asafu, Yedutuni aniŋ Hemani, itolu faŋo be mansa la yaamaroo le koto.

2 Taarika 20:28

Kabiriŋ ì futata Yerusalaamu, ì taata Yaawe Batudulaa Buŋo to, ì niŋ kooraalu, kontiŋolu, aniŋ footaŋolu.

Jabuuroolu 81:3

Ali binoo fee Kari Kutoo* la, aniŋ kari maloo tumoo la, ǹ na juuraloo luŋo la.

Jabuuroolu 87:7

Ì si i doŋ ka suukuwo laa ko: “Ǹ na neemoo sababoo mu Siyoni le ti.”

Yeremiya 31:4

M be i lookuu la le kotenke, ite, n Dimmusuriŋ* Banisirayila, aduŋ i be seyinkaŋ loo la le. I be i la tambuuroolu sika la le kotenke, i ye finti banta, i niŋ seewootoolu ye i doŋ.