Jabuuroolu 146:9 - Mandinka Bible

⁹ Yaawe le ka tumarankewolu tankandi, a ka furuyaamusoolu maakoyi, aniŋ aliyatiimoolu, bari a ka moo kuruŋolu la siloo yelemandi ì ye kasaaroo le ti.

Jabuuroolu 146:9 ပူးပေါင်းရင်းမြစ်များ

Jabuuroolu 68:5

Alla be a taradulaa senuŋo kono le, ate le mu aliyatiimoolu faamaa ti, aniŋ furuyaamusoolu la kiitiiteyilaa.

Jabuuroolu 147:6

Yaawe le ka moo sembentaŋolu sikandi, bari a ka moo kuruŋolu jindi duuma le.

Malaki 3:5

Yaawe Alihawaa Maariyo ye ñiŋ ne fo ko, “M be naa ali kaŋ ne ka ali kiitindi. M be tariyaa la ka batuutaatiyolu le la kuwo yitandi, jeenelaalu, seedenduroolu, moolu mennu ka ì la dookuulaalu la joo nakari, moolu mennu ka furuyaamusoolu toorandi, aniŋ aliyatiimoolu, moolu mennu buka tooñaa sabatindi ì niŋ tumarankewolu teema, ì maŋ sila n na.

Yeremiya 49:11

Bari ali ali la aliyatiimoolu wo tu m bulu, ŋa ì la baluwo kanta, ali la furuyaamusoolu ye ì jikoo loo nte kaŋ.”

Kuma Kotoomaalu 15:25

Yaawe ka faŋ wara moo la buŋo kasaara le, bari a ka furuyaamusoo la sotofeŋolu tankandi le.

Yankuba 1:27

Alla batu senuŋo meŋ maŋ sootaaroo soto m̀ Faamaa Alla ñaatiliŋo la, wo mu ka aliyatiimoolu niŋ furuyaamusu bataariŋolu topatoo ì la suuloolu kono, aniŋ ka fata ñiŋ duniyaa kosoo la.

Kuma Kotoomaalu 4:19

Bari moo kuruŋolu la siloo ka munta le ko dibi baa, ì buka a loŋ ì ka taki mennu la.

Jabuuroolu 145:20

A ka moolu bee kanta le mennu ye a kanu, bari a be moo kuruŋolu bee kasaara la le.

1 Korintinkoolu 3:19

Kaatu ñiŋ duniyaa la ñaameŋo mu tooleeyaa le ti Alla ñaa koto ko a be safeeriŋ ñaameŋ: “Ate le ka moo ñaamendiŋo muta ì faŋolu la ñaameŋ kuwolu kono.”

Hoseya 14:3

Asiriya te ǹ kiisa noo la, ǹ te n tuuku la keleraŋ suwoolu la. Aduŋ m̀ buloo ye meŋ dadaa, ǹ nene te a fo la wo ye kotenke ko, ‘Ǹ na Alla.’ Aliyatiimoo ka balafaa soto ite le bulu.”

Jabuuroolu 18:26

Moo meŋ seneyaata, i ka seneyaa wo le fee, bari mennu jenketa, i ka jawuyaa wolu fee le.

Esita 9:25

Bari kabiriŋ mansa ye ñiŋ feeroo kalamuta, a ye yaamari safeeriŋo le dii meŋ ye a tinna Hamani bulata a faŋo la mantooroo kono, aduŋ ì ye a niŋ a dinkewolu bee le deŋ moo dendulaa bala.

Esita 7:10

Bituŋ ì ye Hamani deŋ moo dendulaa bala a faŋo ye meŋ parendi Moridekayi ye. Bituŋ mansa la kamfaa bota.

Esita 5:14

A la musoo Seresi niŋ a teeroolu ko a ye ko, “Moo dendulaa loo meŋ jamfoo si taa kaañaŋ nonkonkatiñaa taŋ luulu fee, soomandaa i ye a fo mansa ye, fo Moridekayi si deŋ a santo. Bituŋ i niŋ mansa si taa feetoo to, i ye kontaani.” Ñiŋ feeroo ye Hamani kontaani le, aduŋ a ye ì bula ì ye ñiŋ moo dendulaa dadaa.

2 Samuweli 17:23

Kabiriŋ Ahitofeli ye a je ko, a la yaamaroo maŋ muta, a ye kirikewo ke a la faloo kaŋ, a taata a la buŋo to, meŋ be a la saatewo to. A ye a la kuwolu topatoo, bituŋ a ye a faŋo deŋ, a faata. Ì naata a baadee, ì ye a faamaa baadee baadeekoo meŋ to.

2 Samuweli 15:31

Kabiriŋ ì ko Dawuda ye ko, Ahitofeli kafuta Abusalomu la moolu kaŋ ne, mennu be balandiŋ, a duwaata ko, “Dukaree, Yaawe, Ahitofeli la yaamaroo yelemandi kuu kenseŋo ti!”

5 Musa 16:11

Ali si seewoo Yaawe ali la Alla ñaatiliŋo la, ali niŋ ali dinkewolu niŋ ali dimmusoolu, ali la jonkewolu niŋ ali la jommusoolu, Lewi lasiloo moolu mennu be sabatiriŋ ali la saatewolu kono, tumarankewolu, aniŋ aliyatiimoolu niŋ furuyaamusoolu mennu be ali fee. Ali si juuraloo ñiŋ ke dulaa to, Yaawe ali la Alla be daameŋ tomboŋ na ka a too ke jee.

Jabuuroolu 10:14

Bari ite Alla ka jeroo ke le de, ka moo bataariŋolu la kuwo hakilitu, aniŋ niitoorariŋolu, ñiŋ kamma la i si i buloo duŋ ì la kuwo to ka ì maakoyi. Moolu mennu te ì faŋ maakoyi noo la ka ì faŋolu karafa ite le ma. Ite le mu aliyatiimoolu maakoyilaa ti.