Jabuuroolu 145:4 - Mandinka Bible

⁴ Yaawe, jamaani-wo-jamaani be i la keroolu kidimandi la le, ì be kali i la kaawakuu baalu seyinkaŋ na le.

Jabuuroolu 145:4 ပူးပေါင်းရင်းမြစ်များ

Esita 9:28

Jamaani-wo-jamaani, dimbaayaa-wo-dimbaayaa, kumandaŋ banku-wo-kumandaŋ banku, aniŋ saatee baa-wo-saatee baa ñanta i miira la le, aniŋ ka koroosiri ke ñiŋ luŋolu la. Aduŋ Yahuudoolu maŋ ñaŋ na ñiŋ Purimu luŋolu tu la jee ì maŋ a juura, sako ì koomoo fanaa ye ñina ì la ñiŋ aadoo la.

Yuuba 8:10

Fo wo moo foloolu la kumoolu te i kawandi la baŋ, ì ye mennu fo i ye ka bo niŋ ì la fahaamuroo la?

Jabuuroolu 71:18

Hee Alla, hani n kotooriŋo la, n kuntiñoo koyita ñaa-wo-ñaa, kana i bo n to, fo niŋ ŋa i la waroo niŋ i la semboo seyinkaŋ jamaani naalaalu ye.

Yesaya 38:19

Baluuriŋolu mennu be baluuriŋ, ì ka i jayi le ko ŋa a ke ñaameŋ bii, faalu ka i la tiliŋo seyinkaŋ ì diŋolu ye le.

5 Musa 4:10

Ali hakiloo si bula luŋo meŋ na ali loota Yaawe ñaatiliŋo la Sinayi Konkoo to, biriŋ Yaawe ko n ye ko, “Moolu bee kumandi naŋ, i ye ì bendi ñoo kaŋ n ñaatiliŋo la. N lafita le ka diyaamu ì ye, fo ì si nte Yaawe ñaasilaŋo soto ì baluu tiloo bee la, aduŋ ì si ì diŋolu fanaa karandi a la.”

5 Musa 6:7

Ali si ali diŋolu karandi ì la kendeke. Ali ì ke kacaaraŋo ti ali la suwolu kono aniŋ banta. Ali si ì karandi ì la, niŋ ali wulita laaraŋo kaŋ, aniŋ niŋ ali be taa i laa la.