Jabuuroolu 145:10 - Mandinka Bible

¹⁰ Yaawe, i la daafeŋolu bee be i jayi la le, i la lannamoolu bee ye i tentu.

Jabuuroolu 145:10 ပူးပေါင်းရင်းမြစ်များ

Jabuuroolu 19:1

Saŋ fatoolu ka Alla la kallankeeyaa* bankee le, minaayoolu ka a buloo la daaroo kankulaa le.

Jabuuroolu 103:22

Yaawe la daafeŋolu bee si a jayi daa-wo-daa, a la mansabaayaa kono. Nte niyo be Yaawe jayi la le.

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.

1 Pita 2:5

Ali ali faŋolu dii ka ke bere baluuriŋolu ti, fo ali si ke buŋ looraŋolu ti Alla la buŋo ye, meŋ loota a la Nooroo la siloo la. Alitolu si ke piriisi* senuŋolu ti, ali ye sadaalu* bo Nooroo la siloo la, ka bo niŋ Yeesu Kiristu* la, aduŋ Alla be soŋ na wo sadaalu ma le.

Hiburunkoolu 13:15

Wo to, ali ŋà tu jayiroo dii la Alla la, ka bo niŋ Yeesu la. Ñiŋ jayiroo le mu ǹ na sadaa* ti, meŋ ka a seedeyaa ko, ate le mu Maariyo ti.

Yesaya 44:23

Hee saŋ fatoolu, ali suukuwo laa, kaatu Yaawe le ye ñiŋ ke. Hee duniyaa daŋo, sari santo. Alitolu konkoolu ali wutu suukuwo ti, aniŋ alitolu sutoolu niŋ ali la yiroolu bee, kaatu Yaawe ye Yaakuba kumakaa le, a ye a la semboo niŋ waroo yitandi Banisirayila.

Jabuuroolu 104:24

Kooni Yaawe, i ye meŋ daa a siyaata le. I ye ì bee daa i la ñaameŋo le kono. Duniyaa be faariŋ i la daafeŋolu le la.

Jabuuroolu 97:12

Ali seewoo Yaawe la kuwo to, moo tilindiŋolu, ali ye a tentu niŋ a too senuŋo la!

Jabuuroolu 68:26

“Ali Alla tentu ali la jamaa beŋo to. Alitolu Banisirayila bonsuŋo moolu, ali Yaawe tentu.”

Jabuuroolu 32:11

Alitolu mennu tilinta, ali kontaani ka seewoo Yaawe la kuwo to. Tiliŋo be alitolu mennu sondomoo kono, ali seewoo kendeke.

Jabuuroolu 30:4

Ali suukuwo laa Yaawe ye, alitolu mennu mu a la moolu ti. Ali i miira a ye meŋ ke, ka a tentu a too la kuliyaa kaŋ.

Jabuuroolu 22:23

Alitolu mennu ye Yaawe kuliyaa, ali a jayi, alitolu Yaakuba koomalankoolu, ali a horoma, alitolu Banisirayilankoolu bee, a ñaasilaŋo si tara ali la.

Jabuuroolu 30:5

Kaatu a la kamfaa loo mu waatindiŋ ne ti, bari a la konotodiyaa la mewo mu siyo daŋo le ti. Kumboo si tara keriŋ noo suutoo, bari seewoo ka naa le soomandaa.

Jabuuroolu 57:9

Maariyo, m be i tentu la moolu bee le kono. M be suukuwo laa la i ye le ka i jayi duniyaa siyolu kono,

Jabuuroolu 69:35

Alla be Siyoni* kiisa la le, aduŋ a be Yahuuda saatewolu seyinkaŋ loo la le. A la moolu be sii la jee le, a ye ke ì taa ti.

Jabuuroolu 149:5

Alla la lannamoolu ye seewoo a la horomoo la, ì si suukuwo laa ì laadulaalu to, seewoo kamma la.