Jabuuroolu 144:1 - Mandinka Bible

¹ Tentoo be Yaawe* ye, n na semberaŋ beroo, ate le ye n nindi keloo la, fo m buloo koyita lewu.

Jabuuroolu 144:1 ပူးပေါင်းရင်းမြစ်များ

Jabuuroolu 18:34

I ye m buloolu nindi keloo la, fo m buloolu si jaawali kaloo saba noo ka a fayi.

Jabuuroolu 18:2

Yaawe le mu n na semberaŋ bere baa ti, n na tankaraŋ tatoo, aniŋ m bondilaa. N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti, n na kiisandirilaa sembemaa baa, aniŋ n tuukuraŋo.

2 Samuweli 22:35

I ye m buloolu nindi keloo la, fo m buloolu si jaawali kaloo saba noo ka a fayi.

2 Korintinkoolu 10:4

Ntolu la kelejooraŋolu maŋ ke ñiŋ duniyaa kelejooraŋolu ti, bari ŋà Alla la sembe baa le soto ka tata bambandiŋolu kasaara. Ǹ ka moolu la soosooroolu tiñaa le,

Yesaya 45:24

Ì be a fo la m ma le ko, ‘Tiliŋo niŋ semboo be Yaawe dammaa le fee.’ Moolu mennu kamfaata n kamma, ì niŋ maloo le be naa n kaŋ.

Jabuuroolu 60:12

Niŋ ite Alla be m̀ fee, m̀ be nooroo ke la le. Ite le be ǹ jawoolu dori la duuma.

Jabuuroolu 18:31

Alla te keriŋ, Yaawe koolaa. Aduŋ jumaa le mu semberaŋ beroo ti ǹ na Alla koolaa?

Jabuuroolu 95:1

Ali naa ŋà suukuwo laa Yaawe* ye, ali ŋà suukuu a ye ǹ kaŋo bee la, seewoo kamma la. Yaawe le mu konko bere baa ti, ǹ na tankadulaa, meŋ ka ǹ tankandi.

Jabuuroolu 71:3

Ke n ye semberaŋ beroo ti, aniŋ tata bambandiŋo, ka n kiisa, kaatu ite le mu n na tuukuraŋo ti, aniŋ n na tatoo.

Yesaya 26:4

Ali ali jikoo sembe Yaawe la fo fawu, kaatu Yaawe le mu ǹ na Alla ti, ǹ na badaa-badaa semberaŋ beroo.

2 Mansoolu 13:16

Wo le to a ko Banisirayila mansa ye ko, “Kaloo muta i buloo la.” Bituŋ a ye a muta a buloo la, Elisa ye a buloo laa mansa buloo kaŋ.

Jabuuroolu 18:3

Ŋa Yaawe daani, meŋ jarita ka jayi, aduŋ n tankata n jawoolu ma.

Jabuuroolu 18:35

I ye i la tankoo koteeroo dii n na, aduŋ i bulubaa buloo le ka m balundi. I la maakoyiroo ye n kummaayandi.