Jabuuroolu 143:8 - Mandinka Bible

⁸ Kali m moyirindi i la kanu bambaloo la fanoo la ke tumoo la, kaatu n jikoo be ite le kaŋ. Siloo yitandi n na, n ñanta taa la meŋ na, kaatu ŋa n sondomoo loo ite le kaŋ.

Jabuuroolu 143:8 ပူးပေါင်းရင်းမြစ်များ

Yesaya 48:17

Ali Kumakaalaa Yaawe, Banisirayila la Senuŋ Baa, a ye ñiŋ ne fo ko: “Nte le mu Yaawe ti, ali la Alla meŋ ye ali karandi ali la nafaa kuwo la, ŋa siloo yitandi ali la le, ali ñanta taa la niŋ meŋ na.

Jabuuroolu 46:5

Alla be sabatiriŋ a kono le, feŋ te a tiñaa noo la. A be a tankandi la fanoo la ke tumoo la le.

Jabuuroolu 32:8

Yaawe la kumakaŋo le mu ñiŋ ti ko, “M be i yaamari la le, ka a fo i ye i ñanta taa la siloo meŋ na. M be a yitandi la i la le i ñanta meŋ ke la, n ñaa ye tara i kaŋ.

Yesaya 30:21

Niŋ ali jenketa ka bo siloo kaŋ, bulubaa la waraŋ maraa la, ali tuloo be a kumakaŋo moyi la ali kooma le ko, “Ñiŋ ne mu siloo ti, ali taama niŋ a la.”

Jabuuroolu 59:16

Bari nte de, m be suukuwo laa la le ka i semboo la waroo fo. Soomandaa-wo-soomandaa m be i la kanu bambaloo suukuu la santo le, kaatu n na mantoora waatoo kono, i keta n ye tatoo le ti, aniŋ tankadulaa.

Jabuuroolu 143:10

N karandi ka i la lafoo ke, kaatu ite le mu n na Alla ti. Ka bo niŋ i la konotodiyaa la n kanda sila koyiriŋo kaŋ.

Jabuuroolu 27:11

Yaawe, n karandi ka taama i la siloo la, aduŋ i si n samba sila koyiriŋo la, n jawoolu la kuwo kamma la.

Jabuuroolu 90:14

I la kanu bambaloo yitandi ǹ na fanoo la ke tumoo la, fo ǹ si seewoo ka suukuwo laa ǹ na baluu tiloolu bee la.

Niikuyaa Suukuwolu 3:41

Ŋà m̀ buloolu wulindi santo Alla ye, meŋ be saŋo santo, ka duwaa ǹ sondomoo bee la, ka a fo ko:

Jabuuroolu 86:4

N niyo seewondi, nte mu i la dookuulaa le ti. Hee Maariyo, ŋa n sondomoo loo ite le kaŋ.

Jabuuroolu 30:5

Kaatu a la kamfaa loo mu waatindiŋ ne ti, bari a la konotodiyaa la mewo mu siyo daŋo le ti. Kumboo si tara keriŋ noo suutoo, bari seewoo ka naa le soomandaa.

Jabuuroolu 119:34

M maakoyi ka i la karandiroo fahaamu kendeke, fo n si a muta noo, aniŋ ka a taamandi niŋ n sondomoo bee la.

Jabuuroolu 119:73

Ite le mu n Daamansoo ti, ite le ye muluŋo ke n na. Fahaamuroo dii n na fo n si i la luwaalu karaŋ noo.

Jabuuroolu 42:8

Tiloo waatoo la Yaawe* be a la kanu bambaloo yitandi la n na le, aduŋ suutoo la a be suukuwo duŋ na n daa le, ka a ke duwaaraŋo ti Alla ye, n na baluwo Maariyo.

Jabuuroolu 5:8

Yaawe, ite tilinta le, n kanda, n jawoolu la kuwo kamma la, i la siloo walaŋ n ye.

Hoseya 6:3

Saayiŋ, ali ŋà ǹ na katoo daŋo bee ke, ka Yaawe loŋ, ka a la kuwo fahaamu. A be naa ǹ kaŋ ne, wo be koyiriŋ ne ko perekaanoo, a be naa la ǹ kaŋ ne ko, samaajiyo ka bankoo jiiboŋ ñaameŋ, samaa foloo niŋ samaa labaŋ jiyo.”

Kiitindirilaalu 13:12

Manowa ko a ye ko, “Saayiŋ, niŋ i la kumoolu keta tooñaa ti, muŋ ne ñanta ke la ñiŋ dindiŋo la baluuñaa ti? A ñanta muŋ ne ke la?”

1 Samuweli 23:12

Dawuda ye ñininkaaroo ke kotenke ko, “Fo Keyilankoolu be nte niŋ n na kewolu duŋ na Sawulu bulu le baŋ?” Yaawe ye a jaabi ko, “Ì be ali duŋ na ì bulu le.”

Jabuuroolu 25:20

Dukaree, n niyo kanta, i ye n tankandi. Kana soŋ ŋa bula maloo kono, kaatu ŋa tankoo ñini ite le bulu.