Jabuuroolu 142:3 - Mandinka Bible

³ Niŋ n jikilateyita, ite le ka n taaraŋ siloo koroosi. N taaraŋ siloo kaŋ, n jawoolu ye kutindiŋo le laa n ye jee.

Jabuuroolu 142:3 ပူးပေါင်းရင်းမြစ်များ

Jabuuroolu 141:9

N tanka jaloolu ma, ì ye mennu laa n kamma, aniŋ moo jawoolu la kutindiŋolu.

Jabuuroolu 140:5

Faŋ waralaalu ye kutindiŋolu le laa n kamma, ì ye jaloolu laa n kamma, ì ye wereŋolu laa sila jenjeŋo la. S

Yeremiya 18:22

Allamaa maasiiba wuuroo ye kuma ì la buŋolu kono, tuma meŋ ñapinkannaalu be naa ì kaŋ, kaatu ì ye dinkoo le siŋ n kamma ka m muta, ì ye kutindiŋolu laa n ñaato.

Jabuuroolu 143:4

A ye a tinna le n jikilateyita, n keñaa bee le bota n kono.

Jabuuroolu 61:2

N ka i kumandi le ka bo fo duniyaa daŋo to, tuma meŋ na n jikilateyita. N samba tankaraŋ bere baa to, meŋ jamfabaata n ti.

Jabuuroolu 102:4

N ka munta m faŋ fee le ko ñaama jaaroo, ì ye meŋ toñonka. M buka ñaani domoroo faŋo la.

Jabuuroolu 77:3

Niŋ ŋa m miira Alla la, n ka kumboo le, niŋ ŋa n hakiloo duŋ, n ka jikilateyi le. S

Jabuuroolu 56:6

Ì ka kafu ñoo ma le, ì ye biti, ka n kekuwolu bee koroosi. Ì ka tara n niyo le nooma.

Jabuuroolu 31:4

N kanandi jaloo ma, meŋ laata n kamma, kaatu ite le mu n jikiraŋo ti.

Jabuuroolu 22:14

M fankoo suusuuta le komeŋ niŋ jiyo bonta bankoo to. N kuloolu bee bota ì cokoolu daa le, n jusoo keta n kono komeŋ niŋ kaañoo yelunta.

Jabuuroolu 1:6

Kaatu Yaawe ka moo tilindiŋolu la siloo kanta le, bari moo kuruŋolu la siloo be kasaara la le.

Yuuba 23:10

Bari ate ka nte taaraŋ siloo loŋ ne. Niŋ a ye n kotobo, a be n tara la koyiriŋ ne ko saniforoo.

Matiyu 22:15

Wo to le Farisewolu* taata ka feeroo siti, ì be Yeesu muta la a la kumoo kono ñaameŋ.

Jabuuroolu 17:3

Hani niŋ i ye n sondomoo kono kusonsoŋ, i ye n kisikisi suutoo la, i ye n kotobo, i te kuu kuruŋo tara la n kono. Ŋa tawoo taa le ko n daa te kuma jawu fo la.

Jabuuroolu 62:9

Hadamadiŋo mu niijii foñoo doroŋ ne ti, biriŋ moo baa fo moo koteŋ kenseŋ, a bee nafantaŋ. Niŋ i ye ì laa peesaraŋo kaŋ, ì te feŋ boyi la. Hani niijii foñoo le kuliyaata ì ti.

Jabuuroolu 102:1

Hee Yaawe, n na duwaa moyi, i ye i lamoyi n na kumboo la.

Niikuyaa Suukuwolu 2:19

Suutoo la, suutoo tuma-wo-tuma la, wuli, i ye kumboo santo! I sondomoo kono kuwolu yelema ko jiyo Maariyo ñaatiliŋo la. I buloolu wulindi a ye ka duwaa, i diŋolu niyo ye, mennu ka ketu konkoo la, mbeedi kuŋolu kaŋ taariŋ.