Jabuuroolu 140:5 - Mandinka Bible

⁵ Faŋ waralaalu ye kutindiŋolu le laa n kamma, ì ye jaloolu laa n kamma, ì ye wereŋolu laa sila jenjeŋo la. S

Jabuuroolu 140:5 ပူးပေါင်းရင်းမြစ်များ

Jabuuroolu 142:3

Niŋ n jikilateyita, ite le ka n taaraŋ siloo koroosi. N taaraŋ siloo kaŋ, n jawoolu ye kutindiŋo le laa n ye jee.

Jabuuroolu 35:7

Ì maŋ daliila soto ka jaloo laa nte kamma, ka jamfaa dinkoo siŋ n kamma, daliila te a la.

Yeremiya 18:22

Allamaa maasiiba wuuroo ye kuma ì la buŋolu kono, tuma meŋ ñapinkannaalu be naa ì kaŋ, kaatu ì ye dinkoo le siŋ n kamma ka m muta, ì ye kutindiŋolu laa n ñaato.

Yeremiya 18:20

Fo jawuyaa le mu ñiiñaa joo ti baŋ? Bari itolu ye wo le ke, ka dinkoo siŋ n kamma ka n niyo taa. I hakiloo be a kaŋ ne nte loota i ñaatiliŋo la ñaameŋ ka kuu kendoo fo ì la kuwo to, ñiŋ kamma la fo i si bo kamfaariŋ ì kamma.

Jabuuroolu 57:6

N jawoolu ye jaloo le laa n ñaato, n niyo dewunta n kono le. Ì ye dinkoo le siŋ n na siloo kaŋ, bari ì faŋolu le boyita a kono. S

Kuma Kotoomaalu 29:5

Moo-wo-moo ka a siiñoo yooti, ka jaloo le laa a ye.

Jabuuroolu 119:110

Moo jawoolu ye kutindiŋo le laa n kamma, bari nte maŋ i la yaamaroolu soosoo.

Jabuuroolu 119:85

Faŋ wara moolu ye jamfaa dinkoo le siŋ n kamma, moolu mennu buka taama i la yaamaroo la.

Jabuuroolu 119:69

Faŋ waralaalu ye faniyaa le fo ka n too tiñaa, bari ŋa ite la kumakaŋolu muta niŋ n sondomoo bee le la.

Jabuuroolu 36:11

Kana soŋ faŋ wara moolu siŋo ye dori n kaŋ, waraŋ moo kuruŋolu ye ì buloo teeka ka m bayi.

Jabuuroolu 31:4

N kanandi jaloo ma, meŋ laata n kamma, kaatu ite le mu n jikiraŋo ti.

Yuuba 18:9

Kutindiŋo ye ì muta ì tonkoliŋo to, a soronta ì fee.

Yeremiya 18:18

Bituŋ moolu kumata ko, “Ali naa ŋà feeroolu siti Yeremiya kamma, wo te a tinna ŋà foo piriisoolu* la mennu be kali karandiroo ke la, waraŋ moo ñaamendiŋolu mennu be kali yaamaroo dii la, waraŋ annabiyomoolu mennu be kali Alla la kumoo bankee la. Ali ŋà a kele ǹ neŋo la, aduŋ ǹ kana n lamoyi a la kuma la.”

Jabuuroolu 43:1

Hee Alla, kiitiyo teyi n ye, i ye loo n na kuwo la n niŋ allantaŋolu teema. N tanka neeneerilaalu niŋ jamfantuŋolu ma.

Kuma Kotoomaalu 24:15

Kana dende ka suuñaaroo ke moo tilindiŋo yaa, waraŋ ka taa a sabatidulaa boyinkaŋ.