Jabuuroolu 140:13 - Mandinka Bible

¹³ A be koyiriŋ ne ko, moo tilindiŋolu be ite Yaawe tentu la le. Lannamoolu be tara la sabatiriŋ i fee le.

Jabuuroolu 140:13 ပူးပေါင်းရင်းမြစ်များ

Yesaya 3:10

Yaawe ko, “A fo moo tilindiŋolu ye ko, ì la kuwolu be beteyaa la le, kaatu ì ye meŋ dookuu, ì be i munafaŋ na a la le.

Jabuuroolu 16:11

I ka baluwo siloo le yitandi n na. Ka tara i ñaatiliŋo la, wo le mu seewoo timmariŋo ti. Ka tara i bulubaa karoo la, wo ka n jusulandi le fo abadaa.

Jabuuroolu 11:7

Yaawe tilinta le, aduŋ a ye kuu tilindiŋo le kanu. Moo tilindiŋolu le be tara la ate fee.

1 Tesalonikankoolu 4:17

Wo koolaa, ntolu mennu be baluuriŋ jaŋ, ǹ niŋ ì be kafu la ñoo ma minaayoolu kono le ka Maariyo benduŋ alihawaa kono. Bituŋ ǹ si tara Maariyo fee fo abadaa.

Yohana 17:24

M Faamaa, n lafita le, i ye moolu mennu dii n na, ì si tara m fee, m be tara la daameŋ to. N lafita le, ì si n na semboo niŋ waroo je, i ye meŋ dii n na, kaatu i ye n kanu le janniŋ duniyaa daa waatoo.

Yohana 14:3

Aduŋ niŋ n taata, ŋa dulaa parendi ali ye, m be naa la le kotenke. Bituŋ m be ali taa la fo ali si tara m fee, m be daameŋ.

Jabuuroolu 97:12

Ali seewoo Yaawe la kuwo to, moo tilindiŋolu, ali ye a tentu niŋ a too senuŋo la!

Jabuuroolu 73:24

I ka n kanda niŋ i la yaamaroo le la, wo koolaa i si naa n taa, i ye n dundi i la horomoo kono.

Jabuuroolu 32:11

Alitolu mennu tilinta, ali kontaani ka seewoo Yaawe la kuwo to. Tiliŋo be alitolu mennu sondomoo kono, ali seewoo kendeke.

Jabuuroolu 23:6

I la beteyaa niŋ kanu bambaloo le be n nooma la, m baluu tiloolu bee la. Aduŋ m be sabati la Yaawe la Buŋo kono le fo n siyo daŋo.

Yuuba 36:6

A buka moo kuruŋo siyo jamfandi, bari a ka moo bataariŋolu boloo dii ì la le.

Jabuuroolu 35:10

N suufoolu faŋo si a fo ko, “Hee Yaawe, jumaa le ka munta ko ite? Ite le ka sembentaŋo tanka sembemaa ma, ka fentaŋolu niŋ moo koririŋolu bondi moolu bulu mennu ka ì mantoora.”

Kuma Kotoomaalu 22:23

kaatu Yaawe le be loo la ì ye, aduŋ moo-wo-moo ye ì la feŋolu taa, a be i niyo taa la le.