Jabuuroolu 14:3 - Mandinka Bible

³ Ì bee le badalita, ì bee le kaañanta tiñaa la. Kiliŋ te jee meŋ ka kuu kendoo ke, hani kiliŋ.

Jabuuroolu 14:3 ပူးပေါင်းရင်းမြစ်များ

Yesaya 53:6

Ntolu bee keta le ko saajii filiriŋo, moo bee taata a fansuŋ siloo la, bari Yaawe ye ntolu la junuboo bee laa ate le kaŋ.

Yesaya 64:6

Ntolu bee keta moo seneyaabaloolu le ti. Ǹ na baara kendoolu ka muluŋ ne ko funtu nooriŋolu. Ǹ na junuboolu le ye a tinna m̀ munta ko jamba nororiŋolu, foñoo ka mennu tindi.

Roomankoolu 3:23

kaatu moolu bee le ye junuboo ke, aduŋ ì bee le dasata Alla la kallankeeyaa* la.

Jabuuroolu 14:1

Toolewolu ka a fo ì faŋ ma le ko, “Alla te keriŋ.” Ì mu moo tilimbaloolu le ti, aduŋ ì ka kuu ñewundiŋolu le baara. Moo te jee meŋ ka kuu kendoo ke.

Yuuba 14:4

Hadamadiŋo maŋ seneyaa, feŋ senuŋ si bo noo a bala ñaadii le?

Jabuuroolu 58:3

Moo kuruŋolu ka fili le biriŋ ì daa luŋo la, ì ka jenke le ka bo luŋo meŋ na ì wuluuta, ka tara faniyaa foo la.

Efesusinkoolu 2:3

M̀ fanaa nene tarata wo moolu kono le nuŋ ka m̀ balajaatoolu la hame kuwolu nooma. Ǹ tarata sondiŋ m̀ balajaatoolu niŋ ǹ na niidiyaa kuwolu le la. Wo kamma la, ǹ niŋ ǹ na hadamadiŋyaa mankutoo keta kasaaroo diŋolu le ti, ko hadamadiŋ koteŋolu bee be ñaameŋ.

Jabuuroolu 143:2

Kana i la dookuulaa kiitindi, kaatu moo te keriŋ meŋ tilinta ite ñaa koto.

Esekiyeli 36:25

M be jii senuŋo le sari la ali kaŋ, i si a je ali si seneyaa ka bo ali la seneyaabaliyaa bee kono. M be ali seneyandi la ka bo kosoriŋ, ali la jalaŋolu ye ali kosondi mennu la.

Yeremiya 2:13

“N na moolu ye junube kuu jawu fula le ke, ì ye m bula le, nte meŋ mu baluwo jiyo diilaa ti, ì ye koloŋolu siŋ ì faŋ ye, koloŋ tiñaariŋolu mennu te jii bondi noo la kotenke.”

2 Korintinkoolu 7:1

N kanuntewolu, baawo ŋà ñiŋ laahidoolu soto le, wo to ǹ si m faŋolu seneyandi feŋ-wo-feŋ to, meŋ ka baloo niŋ sondomoo nondi. Ali ŋà ǹ na seneyaa timmandi Alla ñaasilaŋo kono.

Jabuuroolu 119:176

N taata le taariŋ komeŋ saajii filiriŋo. N ñini, nte mu i la dookuulaa le ti, aduŋ m maŋ ñina i la yaamaroolu la.

Kawandilaa 7:29

Ŋa meŋ je doroŋ, wo le mu, Alla ye hadamadiŋo niŋ tiliŋo le daa, bari hadamadiŋo ka taa bula a fansuŋ siloolu le nooma.”

Jabuuroolu 38:5

N na maadiŋolu tolita le fo ì ka sunkaŋ, n na tooleeyaa kamma la.

5 Musa 1:35

“Alitolu ñiŋ jamaani moo kuruŋolu, hani kiliŋ ñaa te loo la banku kendoo kaŋ, ŋa n kali ka meŋ dii ali mumuñolu la.

1 Korintinkoolu 6:5

Ŋa ñiŋ fo le, fo ali si malu. Fo hani moo kiliŋ te alitolu kono, meŋ hakiloo yiriwaata ka kiitiyo kuntu baadiŋolu* teema?

Yuuba 15:16

sako hadamadiŋo meŋ be ñewundiŋ, a be tiñaariŋ, a ka tu kuu kuruŋ kewo la, ko a ka jiyo miŋ ñaameŋ.

2 Musa 12:30

Firawoona niŋ a la ñaatonkoolu aniŋ Misirankoolu bee wulita suutoo. Wuuri baa tarata Misira kono, kaatu buŋ te jee, moo maŋ faa daameŋ.

2 Musa 8:31

Musa ye meŋ daani, Yaawe ye wo le ke. Siyolu ye Firawoona niŋ a la dookuulaalu bula, aniŋ a la moolu. Hani sii kiliŋ ne maŋ tu jee.

1 Musa 6:12

Alla ye a je le, duniyaa moolu be jenkeriŋ ñaameŋ. Moo bee le tarata taama kaŋ a fansuŋ sila jenkeriŋo kaŋ.

Kawandilaa 7:20

A be koyiriŋ ne lewu ko, moo tilindiŋo maŋ soto ñiŋ duniyaa kono, meŋ ka kuu betoo doroŋ ke, a nene maŋ junube kuu ke.