Jabuuroolu 139:4 - Mandinka Bible

⁴ Hani janniŋ m be kumoo fo la, meŋ be n to, ite Yaawe ye a loŋ ne fokabaŋ.

Jabuuroolu 139:4 ပူးပေါင်းရင်းမြစ်များ

Jabuuroolu 19:14

Hee Yaawe, ite le mu n na semberaŋ beroo ti, aniŋ m bondilaa. Allamaa n daakumoolu niŋ n sondomoo kono miiroolu ye ke i ñaa koto mutataa ti.

Yuuba 42:3

I ye n ñininkaa n haañita ñaameŋ ka i la natoo ñininkaa, nte meŋ maŋ londi soto. Ŋa kumoolu le fo, m maŋ mennu fahaamu, kaawakuwolu mennu tambita n na londoo la.

Yankuba 1:26

Niŋ moo-wo-moo ye a faŋo muta diina moo ti, bari a buka a neŋo mara noo, a ka a faŋo le neenee, aduŋ a la Alla batoo maŋ jari feŋ na.

Yeremiya 29:23

Ì ye kuu fuuriŋ baalu le ke Banisirayila kono. Ì niŋ ì siiñoolu la musoolu ye jeenoo ke le, ì ye faniyaa kumoo fo n tooyaa la, m maŋ ì yaamari meŋ na. Nte ŋa wo loŋ ne, ŋa a seedeyaa.” Yaawe le ye a fo.

Yuuba 8:2

I be i dahaa la ñiŋ kuwolu fo la waati jumaa le la? I daakumoolu keta foño baa kenseŋo ti.

Yuuba 38:2

Ite ye i faŋ miira jumaa le ti, i be diyaamu la, londi te i bulu, ka sika n na feere landiriŋolu la?

Sefaniya 1:12

Wo waatoo la, m be tara la Yerusalaamu ñini la niŋ lampu maloo le la. M be moolu jarabi la le, mennu be laariŋ ì faŋ na ko, ì la kuwolu be beteyaariŋ ne. Ì ka ñiŋ miira ko, Yaawe te kuu ke la, a jawumaa to baŋ, waraŋ fo a betemaa to.