Jabuuroolu 137:7 - Mandinka Bible

⁷ Hee Yaawe, i miira Edomunkoolu ye meŋ ke, luŋo meŋ na ǹ jawoolu ye Yerusalaamu saatewo muta. Ì tarata a fo kaŋ ne ko, “Ali a tumbuŋ de! Ali a tumbuŋ de, fo a fondamaŋolu to!”

Jabuuroolu 137:7 ပူးပေါင်းရင်းမြစ်များ

Nehemiya 6:14

N na Alla, i hakiloo ye bula Tobiya niŋ Samballati la, ì kekuwolu kaŋ. I hakiloo ye bula musu annabiyomoo Nowadiya, aniŋ annabiyomu toomaalu mennu tarata a kata kaŋ ka n silandi.

Jabuuroolu 74:18

Hee Yaawe*, i miira i jawoolu ka ñaawaliroo meŋ ke i la, wo toolewolu ka nendiroo meŋ ke i la.

2 Musa 17:14

Wo to le Yaawe ko Musa ye ko, “Ñiŋ kañeeroo la kuwo safee kitaaboo kono fo moolu hakiloo si bula a la. A fo Yosuwa ye ko, m be Amalekinkoolu kasaara la le, fo moo te a loŋ na ko, ì nene be keriŋ ne.”

Esekiyeli 35:15

Ko ali seewoota Banisirayilankoolu la keetaabankoo la kasaaroo niŋ a la kenseŋyaa la ñaameŋ, m bulu be laa la ali kaŋ wo le ñaama. Ite Seyiri Konkoo, i niŋ Edomu bankoo muumewo bee be kasaara la le, ali ye kenseŋyaa. Wo to le, ali be a loŋ na ko, nte le mu Yaawe ti.”

Esekiyeli 35:2

“Ite hadamadiŋo, i ñaa tiliŋ Seyiri Konkoo la i ye n na kiilaariyaa kumoo fo a ma ko:

Hoseya 7:2

Bari ì maŋ ñiŋ miira ko, n hakiloo be tara la ì la tilimbaliyaa bee kaŋ ne, ì kebaaroolu ye ì murubeŋ ne, ì be n ñaatiliŋo le la.”

Amosi 1:11

Yaawe ye ñiŋ ne fo ko, “Edomunkoolu ye landatambi junube kuwolu le ke. Ì ye ì baadiŋ Banisirayilankoolu bayi niŋ hawusaroo* la, ì maŋ hani balafaa kiliŋ soto. Ì la kamfaañaa maŋ naanee soto, aduŋ ì buka sabari. Wo kamma la n te ì jaraboo baayi la muk.

Habakuki 3:13

I naata le ka i la moolu kanandi, ka i la moo tombondiŋo tanka. I ye moo kuruŋolu ñaatonkoo kasaara le, ka a bulu kenseŋyandi. S

1 Samuweli 15:2

Yaawe Alihawaa Maariyo ye ñiŋ ne fo ko: A be Amalekinkoolu yankankati la le, kaatu ì la alifaa foloolu ye Banisirayilankoolu boyinkaŋ ne, kabiriŋ ì ka bo naŋ Misira.