Jabuuroolu 137:6 - Mandinka Bible

⁶ Allamaa n neŋo ye kara n naaliŋo bala, niŋ n hakiloo buka bula i la, niŋ ite Yerusalaamu la kuwo seewoo le maŋ tambi n ye seewoo bee la.

Jabuuroolu 137:6 ပူးပေါင်းရင်းမြစ်များ

Yuuba 29:10

hani moo kummaalu kaŋ buka moyi, ì neŋolu ka tara sorondiŋ ì daalu kono.

Yuuba 31:22

wo to m buloo ye kati n nonkonkuŋo to, n daboo ye farasi n dabakunkuŋo bala.

Jabuuroolu 22:15

M fankoo suusuuta le ka jaa, a keta le komeŋ fenkeŋ teleŋo, aduŋ n neŋo karata n naaliŋo bala. I ye n tu laariŋ saayaa daa le to, buutoo kono.

Jabuuroolu 84:10

Ka tili kiliŋ ke i batudulaa luwolu to, wo le fisiyaata ka tili wuli kiliŋ ke dulaa koteŋ. Ŋa ke n na Alla la bundaa kantalaa ti, wo le fisiyaata ka tara sabatiriŋ moo kuruŋolu la suwolu kono.

Yesaya 41:17

“Fuwaaroolu niŋ fentaŋolu ka jiyo ñini le, bari ì maŋ jii soto. Ì neŋolu karata ì naaliŋo bala mindoo kamma. Bari nte Yaawe be ì maakoyi la le, nte Banisirayila la Alla te ì tu la jee.

Niikuyaa Suukuwolu 4:4

Deenaanoolu neŋo ka kara ì naaliŋo bala, feŋ te fo mindoo. Dindiŋolu ka tara domori daanoo la, bari moo buka ì so hani feŋ na.

Esekiyeli 3:26

Aduŋ m be i neŋo muta la le, meŋ be a tinna la i te diyaamu noo la wo moo muritiriŋolu ye, ka ì jalayi ì la kuu jawoolu la.

Matiyu 6:33

Ali Alla la mansabaayaa ñini foloo, aniŋ a la tiliŋo, bituŋ ali si naa ñiŋ feŋolu bee fanaa soto.

Kiilaalu 20:24

Nte la baluwo maŋ jari n ye feŋ na, fo n si n na dookuwo timmandi doroŋ, m Maarii Yeesu ye meŋ dii n na. Wo le mu ka kibaari betoo kawandi Alla la hiinoo la kuwo to.

Filipinkoolu 1:20

M be n yillaariŋ baake wo la le, aduŋ n jikita le ko, ñiŋ kuwo te ke la n ye malu kuwo ti muk. Bari m be tu la fatiyaa la le, fo m baloo muumewo si horomoo dii Kiristu la waati-wo-waati, fo baluwo le mu waraŋ saayaa.