Jabuuroolu 137:1 - Mandinka Bible

¹ Babiloni baa jenjeŋolu la, ǹ siita duuma jee le ka kumboo, biriŋ ǹ hakiloo taata Siyoni* kaŋ.

Jabuuroolu 137:1 ပူးပေါင်းရင်းမြစ်များ

Esekiyeli 1:1

Sanji taŋ sabanjaŋo, kari naaninjaŋo tili luulunjaŋo la, wo ye a tara nte Esekiyeli be mutamoolu le kono, mennu be sabatiriŋ nuŋ Kebari Boloŋo daala, Babiloni bankoo kaŋ. A fele, saŋo daa yeleta n ye, Alla ye n jerindi feŋolu la.

Esekiyeli 3:15

N taata mutamoolu yaa Teli-Abibu saatewo to Kebari Boloŋo daala. Bituŋ n sabatita ì fee jee fo tili woorowula, n niŋ jaakaloo.

Luka 19:41

Kabiriŋ Yeesu sutiyaata Yerusalaamu la, aduŋ a ye ñiŋ saatee baa je, a kumboota a la kuwo la.

Esekiyeli 1:3

Wo luŋo la le, Yaawe* la kumoo naata nte Piriisi* Esekiyeli kaŋ, Busi dinkewo, Kebari Boloŋo daala, Babiloni bankoo kaŋ. Yaawe la semboo jiita n kaŋ jee le to.

Niikuyaa Suukuwolu 3:48

Hee nte! N ñaajiyo ka woyi le ko baajiyo, n na moolu la kasaaroo kamma la.

Niikuyaa Suukuwolu 2:18

Rip, a duuta le! Moolu ka wuuri santo Maariyo ye. Hee, Siyoni tata sansaŋo, i ñaajiyo ye woyi ko baajiyo, suutoo niŋ tiloo! Kana i foño fereŋ, sako i ñaakesoo si dahaa.

Niikuyaa Suukuwolu 1:16

“Nte wo! Kuwo meŋ laata n kaŋ, n ñaajiyo be woyi la doroŋ, sabarindilaa te n na, meŋ si n jikoo bambandi. N diŋolu kenseŋo le tuta, kaatu n jawoolu ye i kutu n na le.”

Yeremiya 15:17

M buka sii tulunnaalu la kafoo kono, sako n si jusulaa. N ka tara m faŋ ye le, kaatu m be ite le bulu marariŋ, aduŋ n ka faa i ye jusukandoo la le, moolu la kuwo to.

Jabuuroolu 42:4

Niitooroo le ka faa n kono niŋ n hakiloo bulata koomanto la, n niŋ moo jamaalu ka taa Alla Batudulaa Buŋo* to ñaameŋ. N ka tambi ì ñaato le, ka tara suukuwo laa kaŋ santo niŋ seewoo la, ka Alla tentu juurali waatoo la.

Nehemiya 2:3

N ko mansa ye ko, “Allamaa i mee la! Muŋ ne ye a tinna n ñaa te kuyaa la, baawo m mumuñolu be laariŋ saatewo meŋ to, jee be tumbundiŋ ne, aduŋ a dundaŋ daalu bee kasaarata niŋ dimbaa le la?”

Esira 8:31

Bituŋ kari foloo tili taŋ niŋ fulanjaŋo la, m̀ bota Ahawa boloŋo daala ka taa Yerusalaamu. Ŋà deemaaroo soto ǹ na Alla bulu le, aduŋ a ye ǹ tankandi moo jawoolu niŋ ñapinkannaalu ma le, taamasiloo kaŋ.

Esira 8:21

Bituŋ Ahawa boloŋo daala jee ŋa yaamaroo dii ko, m̀ bee si suŋ ka m̀ fammajii ǹ na Alla ñaatiliŋo la, ka a daani fo taamasiloo si sooneeyaa ǹ ye, ǹ niŋ ǹ diŋolu aniŋ ǹ na feŋolu bee.

Lankenemoo 11:3

Nte be semboo dii la n na seede fuloo la le ka kiilaariyaa kumoo fo, fo tili wuli kiliŋ keme fula aniŋ taŋ wooro, booto funtoolu le be tara la dundiŋ ì la.”

Daniyeli 9:3

Bituŋ ŋa n ñaa tiliŋ duwaa la, aniŋ suŋo, ka Maariyo Alla daani. Ŋa booto funtoolu le duŋ, ŋa seebuutoo maa m faŋ na, ka n na niikuyaa yitandi.

Niikuyaa Suukuwolu 3:51

Ŋa kuu je, a ye n niyo toora le, n na saatee musoolu la kuwo kamma.

Yesaya 66:10

“Ali niŋ Yerusalaamu ye maadiyaa, ali ye seewoo a la kuwo la, alitolu mennu bee ye a kanu. Yerusalaamu la kuwo ye alitolu mennu sunu, ali niŋ a ñanta deŋ na le ka seewoo.

Yeremiya 8:19

I lamoyi n na moolu kumboo kaŋo la, ka bo bankoo karoo bee la: “Fo Yaawe maŋ tara Siyoni* kotenke? Fo Siyoni la Mansa maŋ tara a fee kotenke?” Yaawe ko: “Muŋ ne ye a tinna ì ye n kamfandi ka jalaŋolu batu, ì ye mennu dadaa, aniŋ ka bantala banku* moolu la jalaŋ fuuriŋolu batu?”

Yeremiya 13:4

“Wuli, i ye taa Perati Woyoo to, i niŋ kulembeŋo, i ye meŋ saŋ, meŋ be sitiriŋ i tewo la, i ye a maabo berehuwo kono jee.”

Yeremiya 51:13

Yaawe ko, “Ite Babiloni saatewo meŋ be siiriŋ jii jamaalu daala, i la naafuloo be siyaariŋ, i labaŋo le siita, i la baluwo juloo kuntuta le.