Jabuuroolu 136:23 - Mandinka Bible

²³ Ali Yaawe tentu, a maŋ ñina ǹ na, kabiriŋ m̀ be jutunnayaa kono, a la kanu bambaloo be tu la le fo abadaa.

Jabuuroolu 136:23 ပူးပေါင်းရင်းမြစ်များ

Yesaya 63:9

Niŋ ì ye niitoora-wo-niitoora soto, a fanaa niyo ka kuyaa le. A maŋ ke malaayikoo ti meŋ ye ì tanka, bari a la taroo ì fee. A ye ì kumakaa a la balafaa niŋ a la kanoo le kaŋ, a ye ì sika le ka ì bambu kabiriŋ waati jaŋ koomanto.

Luka 1:48

A hakiloo bulata a la joŋ fammajiiriŋo la. Ka bo saayiŋ na, moolu be n kumandi la neemariŋo le la, ka bo jamaani ka taa jamaani,

Jabuuroolu 142:6

I lamoyi n na woosiikaŋo la, kaatu n korita le las. N tanka n toorandilaalu ma, kaatu itolu le semboo warata n ti baake.

Jabuuroolu 116:6

Yaawe le ka moo tanka meŋ te a faŋ maakoyi noo la. Kabiriŋ m bataata, a ye n tankandi le.

Jabuuroolu 113:7

aduŋ a ka fuwaaroolu sikandi le ka bo fentaŋyaa kono, a ye moo bataariŋolu bondi ì la ŋayiboo kono.

5 Musa 32:36

Yaawe be a la moolu la kuwo kiitii la le, a be balafaa soto la a la dookuulaalu ye le, niŋ a ye a je, ì semboo banta, moo maŋ tu ì kono, biriŋ a foro fo a joŋ.

Luka 1:52

A ye sembetii baalu jindi ka bo ì la mansasiiraŋolu kaŋ, bari a ye moolu sikandi, mennu ye ì fammajii.

Jabuuroolu 102:17

A be i lamoyi la yaantaŋolu la duwaa la le, aduŋ a te a ñaa kaasi la a la moolu la daaniroo la.

1 Musa 8:1

Alla ye kalamutari ke Nuha la kuwo la le, wulakono daafeŋolu aniŋ beeyaŋolu, mennu bee be a fee kuluŋo kono. Alla ye foñoo bula naŋ duniyaa kono, bituŋ jiyo talaata.